尋日放學去Loft行左陣街，見到一樣超好味o既食物！平時同學仔對我咁好，所以買左黎請大家食∼

　ROYCE o既朱古力薯片

大家都激讚好味！！好多人都以為我响北海道買　哈哈∼∼唔係淨係北海道先有嫁，香港都有啦！大家有冇食過呢？？

Hilda Mama話香港要八十幾蚊一盒，我買六百幾YEN，但高同學麻麻煩煩咁話唔收尾數，淨係收左600YEN（約HKD$ 60）

咪睇個盒好似好細咁，原來入面都幾多，每人都分到幾塊嫁！！今日逃學o既同學仔，SORRY∼冇你地份，哈哈！！！

預告：下星期o既料理堂會整大阪燒，我都識整啦！！不過老師教o既可能唔同，等我試完邊款好味再整俾大家食∼∼

　放學返到宿舍嚇親！！個信箱爆啦∼∼∼

原來係Ponchi Papa，Hilda Mama，帥軒寄黎o既新年禮物　嘻嘻，好開心呀！THANK YOU ^3^

　條小鴨頸繩好靚！！隻小鴨用黎捲住耳筒條繩o既∼

　小鴨日記簿，２月份o既小鴨同大家拜年∼

　小鴨隔熱手套，膠袋右上角隻小鴨食物中毒嗎？？

　小鴨抹手巾，小鴨好得意，不過上面條立體肥魚仲得意，哈哈∼

　小鴨圍裙，哎吔！！我肯定唔捨得用，怕d油彈到小鴨∼

Susie用晒洗衣粉黎問我借，我緊係第一時間俾佢睇下我d禮物啦！！結果Susie好攪笑咁話................................

＜下次我黎你房，應該唔會見到你舖左小鴨地毯，牆紙換晒做小鴨，全間房每個角落都係小鴨吧！！＞　哈哈，好主意bor

２月８日，星期二

今日開班會時，永井老師公佈２月２５日天才表演响邊到發表後，班入面o既男生有好大反應，因為.....................

ＡＶ教室　文同學仲好抵死咁問老師ＡＶ係乜野，係咪日本好出名果d？！老師好攪笑咁話唔知道日本好出名果d係咩！哈哈∼

老師o既細女星期五結婚，因為要做準備所以星期四會請假，由坂詰老師代堂，大家都叫苦連天，連續兩日對住呢個超悶o既老師＝＝＂

２月９日，星期三

　Joan同Rocker去完北海道睇雪祭，買左北海道限定密瓜味軟糖俾我，多謝 ^3^

　牛奶妹朱古力威化餅，子瑩請o既，睇見都覺得好好味！！

今日高同學去７仔申請會員卡，入會禮物係一包朱古力，不過佢病緊唔食得，所以俾左我食，嘩哈哈！會唔會食得太多零食呢？

下個星期去小學交流係同小學生玩遊戲，所以好輕鬆冇乜野要準備！！聽講小學生o既家長會黎睇我地玩遊戲，好緊張tim

做女人真係好辛苦，特別係每個月果幾日！！果種痛法真係難以形容！！

平時我都係間唔中一次痛到面青口唇白，今個月真係＜好好彩＞，就係撞正果間唔中一次＞＜

上上下堂突然好痛，面都青晒，仲不停標冷汗，行去廁所途中痛到嘔，真係第一次因為M到痛到嘔！！

因為當時响走廊，本能反應用手遮住個口，咁就大鑊啦！！！件超厚毛毛外套污糟左＝＝＂

大家肯定會問點解唔早d行去廁所嘔，因為當時痛到手軟腳軟冇力行，而且嘔真係控制唔到，唔能夠忍住唔好嘔住∼∼

要多謝Susie一路陪住我，而且我有個袋仔裝M巾，嘔時整污糟左，Susie竟然唔怕污糟幫我洗返乾淨呢

然後要多謝Ruby借左件披肩俾我，仲俾左個貼o既暖包我，叫我貼住响個肚到冇咁痛

最後要多謝高同學，因為我件外套超臭，完全著唔到，佢好偉大借左件外套俾我著，自己淨係著一件T-shirt加冷衫

送我返宿舍時仲幫我拎書包同污糟衫，好感動呀！！我係一個幸福的小病人

去事務所借紙袋裝污糟衫時，町田先生問我洗唔洗去醫院，M到都去醫院的話會唔會太離譜？！

返到宿舍完全冇得休息，因為要盡快洗衫，我仲出動埋滴露，洗左兩次，希望冇味啦！！

我覺得我身體都勁大陣味，所以沖涼時又用左少少滴露沖身，滴露真係超香，唔知有冇滴露味香水呢？！