５月１８日，星期三

同銘銘談心談到５點幾先訓，好耐冇試過講咁耐電話，真係講到口水都乾。多謝銘銘陪我傾左咁耐∼∼

１２點幾當我仲熟睡之際，收到澄澄o既電話，澄澄：＜細細個∼∼我放學返黎啦！！你快ｄ黎我屋企同我玩丫∼＞

估唔到佢咁好記性，如果我唔去同佢玩，佢實死心不息日日放學打電話俾我，所以答應佢今日同佢玩多日。

我諗澄澄o既志願係做老師！佢要我扮小朋友聽佢教書，仲教我寫英文字，唱兒歌，玩到好攰呀∼

５月１９日，星期四

　同KK，大隻Mike去九龍城食泰國野∼

 　椰青／海鮮炒飯

　沙嗲串燒／豬頸肉

　蒜蓉椰菜苗／咖喱炒蜆

　炸蝦餅。　樣樣都唔錯，只係咖喱差少少辣味同豬頸肉略肥∼

我地都算叻，只係食剩兩串串燒，其餘全部清晒！！仲有好多野想試呀，下次再去食過丫∼

Ponchi Papa踢波食左個波餅隻眼受傷，去中大睇醫生後又去威爾斯睇，唔好成日打機睇戲，俾對眼休息多d呀！！

５月１５日，星期日

尋日個個姨媽都話今日唔得閒，諗住冇隊去飲茶，可以食其他野！點知訓醒一覺個個都計劃有變，又變返平時一樣去飲茶。

已經好耐冇去探婆婆，自從佢轉左飲奶之後，真係肥左好多，塊面脹卜卜，連轉身都要兩個人幫佢先攪得掂！！

就連Ponchi Papa都覺佢婆婆重呢∼∼晉晉表弟自從尋日被人以大話骰灌佢飲左幾支酒後，決定苦練大話骰，以免再被人灌醉∼

不過佢係用iphone個大話骰遊戲黎練，對手仲係阿精同帥軒，睇黎佢練極都唔會有咩野進展，哈哈∼

５月１６日，星期一

真係激死！平時兩點幾起身Ponchi Papa話我阻住佢做清潔！今日約左KK食lunch，11點幾起身佢又話我阻住佢做清潔＠＠"

究竟佢要做幾耐清潔呀？！　同KK去cafe食lunch兼談心，行左陣街又去邊食雪糕邊談心，最後傾到7點幾先返歸∼

談心過後本來有少少眉目，沖完個涼後想法又唔同左，睇黎要再傾過先得啦，哈哈！！

　發現有鼻毛o既Kitty

５月１７日，星期二

Javy打黎話約左貞姐姐飲茶，問我去唔去，反正今日Ponchi Papa返工得我一個，所以答應左，又可以同澄澄玩∼

澄澄記性真係好，仲記住我地果日趁佢沖涼偷走o既事，嬲左咁耐都未嬲完！不過我請左佢食乳鴿，佢話唔嬲我啦！

　澄澄响到扮獅子

玩到要走o既時候佢又話好唔開心，仲有遊戲未同我玩，我叫佢寫低我個電話號碼，得閒就打俾我約我去佢屋企玩，

佢真係寫低左嫁，不過佢唔識寫我個名，唔知佢訓醒一覺之後會唔會唔記得個號碼係邊個嫁呢，哈哈∼

５月１２日，星期四

平時同Ponchi Papa食下午茶，通常兩個餐加埋五十幾蚊，佢次次都話貴！所以今日我幫Ponchi Papa慳錢，去第二間茶餐廳食∼

Ponchi Papa要凍飲加出前一丁，我要西多士加凍飲，結果埋單只係四十幾蚊，幫Papa慳左幾蚊雞，係咪好叻女呢？！

晚餐食吉野家，我同帥軒都食唔晒d飯，反而Hilda Mama勁快清晒　食咁快唔好呀！！易肥呀∼∼∼

５月１３日，星期五

原來今日係黑色星期五，唔知大家有冇遇到d不幸事呢？？例如：加班／罰留堂／唔見野等等∼∼∼

我o既不幸事咪就係Hilda Mama同Ponchi Papa分別出去食好野，唔帶我去，留我响屋企食隔夜吉野家牛肉飯law

５月１４日，星期六

今日Hilda Mama係大豪客，去美心飲茶仲要叫埋d貴野食！！帶子腸啦，瑤柱蒸柚皮等等，食到我地飽晒！！

　木桶豆腐花，加埋一要五十幾蚊嫁∼∼

不過呢桶豆腐花可以分到７小碗，而且都幾滑，都叫做抵啦∼！！

後日係浩浩表弟生日，我地今日買左蛋糕同佢預祝。我都祝佢塊面快d冇晒暗瘡，迷倒天下美少女啦，哈哈哈