５月９日，星期一

太耐冇踩單車，一踩即時pat pat痛好彩今日冇約，可以好好休息。Hilda Mama同帥軒就慘啦，唔知佢地有冇唔想返工返學呢？！

原來寄信都要講mood，寫好幾日但放埋左一邊，今日突然有衝動唔想寄，下次都係寫好後第二日即刻寄左佢！！

５月１０日，星期二

趁住佛誕放假，我地幫五月之星－Hilda Mama同所長慶祝　去布袋澳食海鮮

　鮑魚仔／椒鹽鮮魷

　豉椒蟶子／芝士龍蝦

　薑蔥炒蟹／蒸象拔蚌

　姑姐你唔黎就走寶啦！！！

食飽係時候打返四圈，姑姐你個修煉成績單呃人o既！又話Ponchi Papa拎U，阿邊個邊個拎E，佢兩個勁食糊bor，

好彩我有所長接力，唔洗俾佢兩個打死，二姑媽就慘啦，哈哈哈∼不過我地打衛生麻雀，唔洗交學費o既∼∼

夜晚同姨媽佢地去荃灣食越南菜，間野叫＜碌冧＞，水準一般！我勸大家帶定計數機先好去食野，因為叫野食要計數嫁！

我地寫＜９件＞就黎８件，寫＜１８件＞就黎１０件，咁究竟我地要寫幾多件，佢先會黎９件呢？？

５月１１日，星期三

晚餐Hilda Mama買粥返黎食，Hilda Mama明明叫艇仔粥，但竟然俾錯左及第粥，仲要返到屋企先發現＝＝＂

都唔知係果個人寫錯單，定係俾錯第二碗粥我地啦！！及第粥麻麻地啱我地食∼

唔知大家尋晚有冇睇搶包山呢？？我地冇睇到，但原來有Papa識o既人參賽，仲拎左冠軍tim，恭喜恭喜！！ ^^

５月７日，星期六

之前响日本成功整過芝士蛋糕俾Susie，我話返到香港會整俾大家食，今次趁母親節整個蛋糕俾Hilda Mama

　尚未裝飾，底層係芒果芝士

　放左芒果粒同士多啤梨响面即時唔同晒！！

　Hilda Mama母親節快樂

至於味道，當然一流啦∼∼不過忌廉打得唔夠，所以唔夠硬身！尚有進步空間，下次再整過∼

５月８日，星期日

尋日我同晉晉表弟幫帥軒黎個＜單車速成班＞，帥軒向15分鐘內就學識踩單車　今日可以同我地一齊去踩單車！！

　浩浩臨出發先參加＜速成班＞，好彩超快學識∼

　Hilda Mama話以前識踩，要練習下先知仲識唔識。

12:00PM由大圍出發，途中大家由龜速行駛，哈哈∼

　終於踩到返大學，係時候休息一陣

　呢舊明明叫冰菠蘿，但我地叫錯晒做菠蘿冰＝＝＂

食完好好味o既冰菠蘿，又繼續出發∼

　到左科學園再影張合照

踩左三個幾鐘就到達大埔，本來Koeman想踩入大尾篤再返大圍交車，不過我同Hilda Mama，Javy都話冇可能，

因為大家咁少做運動，咁踩法第二日肯定攰到落唔到床，哈哈∼∼最後大家响大埔交車再去食野。

　飲返支汽水即時舒服晒∼

後來大家黎左我地屋企沖涼，不過得一小時，所以男仔只限沖５分鐘，哈哈∼

夜晚入左屯門會合其他母親食飯慶祝母親節，食完飯帥軒仲去左打保齡，玩左成日唔攰嫁咩？？＠＠＂

今日係Hilda Mama生日o既大日子，祝Hilda Mama青春常駐，笑口常開，永無嘮氣！！

由下午開始，Hilda Mama就不停食食食，真係冇停過，而且仲食得好豐富tim∼

　法式公司三文治　 　酥皮湯

　黑椒豬柳扁意粉　 　海鮮飯

以上果餐其實係下午茶，食完野行左陣超市，之後返屋企休息左陣後又出去食晚飯∼

　陶源酒家，食物水準唔錯！！！

　宮庭雞煲翅，有專人响到煮

　好大碗，而且好多翅，係咪睇到流晒口水呢？？

 　我地唔客氣啦∼∼

　古法蒸龍躉腩，我覺得有少少腥，不過好鍾意佢o既金菇雲耳

　姬松茸炒鴛鴦蚌，除左姬松茸，其他我都鍾意

　濃湯粒粒泡菜苗，普普通通，冇乜特別

　脆皮黃金雞，好似好細隻咁，唔知係咪有人偷食左呢？！

　終於出現啦　原隻鮑魚伴玉掌，好正∼

　唔通Hilda Mama諗住一啖擺晒落口？！＠O＠

　最後仲有壽包，正宗pat pat形狀！！

　仲有雪糕蛋糕tim呀∼∼∼