由於本人部手提電腦危殆中，而KK同大隻Mike黎果段日子o既相又响手提電腦入面，所以要遲d先補打返日記俾大家睇！！

 ３月２５日，星期五

　在日本最後的晚餐

３月２６日，星期六

　６：０５ＡＭ，最後一日响８１６號房迎接朝早

　我係第一個落去食早餐呀！！YEAH

　最後的早餐　 　感謝高同學送機^^

　登機啦！　 　ANA飛機餐幾好味！

　返到香港有Ponchi Papa，Hilda Mama，帥軒接機，好彩啫，咁多行李都唔知點拎＝＝

大家請放心，我已經check過晒幅射冇超標！！可以同我見面呀，哈哈∼∼

　布魯托一返到香港就識到新朋友！！　

　好好味o既藍莓芝士蛋糕

３月２７日，星期日

急不及待要同黎氏家族飲茶見面！！本來尋日已經約好左李宅一家四口飲茶，點知今朝佢地被人急call，結果一家四口放我飛機！！

佢地辦完緊要事後都有黎會合我地，Koeman同Javy仲上左黎打麻雀，戰況同上次一樣，Koeman同帥軒輸錢，哈哈∼∼

３月２８日，星期一

 本來係我去日本一週年o既日子，估唔到竟然要响香港慶祝　去左北角＜東寶小館＞食餐好o既！！

　芝士西蘭花，芝士味唔夠，唔抵食呀！！

　豉椒炒聖子，好味！！

　蒸魚雲，略為辣，不過好入味！！

　牛肋骨生菜包，又係過辣，上次同所長响鳳城食o既好味d∼

　黃金蝦，d蝦好大隻，啱晒我∼

　仲送蕃薯糖水，超重薑味，唔係個個頂得順！！

３月２９日，星期二

難得德姨丈放假，入左屯門同德姨丈三姨媽飲茶，夜晚仲响屋企打邊爐∼∼

今日我好叻，食左好多魚∼∼椒鹽九肚魚同脆肉鯇魚！！如果唔係德姨丈不停夾俾我，我真係唔會主動夾，哈∼∼

睇返三姨媽佢地新婚旅行去日本o既相，發現佢地十幾年前去大阪京都奈良o既景點，我同早幾個星期前去o既係一樣嫁！！＠＠

３月７日，星期一

日語祭第二回，第一回係天才表演，第二回係賣小食！好多同學都整自己國家o既野食，我當然淨係食唔整啦！！

　腐竹糖水，入面仲有意米同白果，好味∼

　芋頭西米露，好足料，好多人都讚好味

　格仔餅好貴，150 YEN一舊，初時佢地整到失敗，後來免費請我食多一舊

　蘿白糕，入面有齊冬菇臘腸蘿白絲，我趁佢臨收工先去買，50 YEN一舊

　台灣大大塊雞扒，250 YEN，大就大啦，但炸得唔夠脆，又冇乜味，差！

其實仲有好多野想食嫁，不過有d野太貴唔捨得食！好似糖不甩（120 YEN／４粒），智利炸薯仔（350 YEN／１個）

　晚餐o既生果，竟然有荔枝

３月８日，星期二

仲有一日小K同大隻Mike就黎日本啦∼∼因為聽日冇時間買餸，所以今日專登去平野間超級市場到買定，

嘻嘻，超市有得試食帆立貝，我食左幾粒！有小學生聽到我地講普通話，竟然用普通話問我地邊到黎，

原來佢地要學普通話嫁＠o＠　我整左滷水雞翼等佢地落機黎到宿舍就有得食。當然最重要係做清潔，等佢地黎到住得舒服d！

３月４日，星期五

上星期o既天才表演，我地低年級o既就分班响班房表演，高年級o既今日就要响台上表演，仲要全校坐晒响台下做觀眾！！！

高年級表演真係唔同d，服裝道具故事內容樣樣都好認真！！死啦，下年我地要上台表演，咁多人睇住，諗起都怕怕。

3A班演白雪公主，道具做得超靚，佢地係第一班上台表演，但好多人都覺得呢一班演得最好！！

　小紅帽，好恐怖呀！＠＠

　超人

　長大成人o既小新

　多啦A夢

放學去搵強強拎微波爐，雖然冇上次堆書咁重，不過都唔輕嫁！！好彩我醒目搵左高同學幫手，我拎的話肯定手都斷！！

３月５日，星期六

好耐冇做清潔啦∼∼下星期KK同大隻Mike黎住，要快d執下間房！！之前希拉利黎住幾日，間房已經好混亂，

今次三個人迫埋一齊，仲要佢地兩個勁多行李，我有預感間房會大混亂！！亂還亂，千祈唔好惹小強黎我間房呀！！

３月６日，星期日

今日我食錯藥！！平時我都係考試前一日先有心機溫書，距離考試仲有四日，今日我竟然响到溫書＠＠　仲唔係食錯藥......

溫左幾個鐘頭，d野好似識又好似唔識咁，哈哈∼　讀一年o既同學就好啦，今次個考試可以唔洗考，肯定日日去玩

二姑媽開始玩＜開心水族箱＞，睇黎佢好快會上癮，計準時間開FACEBOOK餵魚，變左唔得閒睇我地日記同留言，哈哈！