嘻嘻∼∼今篇日記又係繼續愛Susie　大家唔好呷醋∼

之前煲燶左個煲，個底真係超黑，諗住冇得救買過個新o既！！Susie見到之後話有得救∼

佢用d酸性o既粉浸下個煲，之後用鋼絲刷不停刷刷刷，終於幫我整返乾淨個煲 ^O^

　好開心呀！！！個底冇晒d黑色∼∼

今日就係用呢個煲煮Susie包o既水餃！！水餃好好味，不過我包果粒一煮就爆開左，新手同專業包o既，一煮就知道＝＝＂

今朝一訓醒覺就去影雪，連早餐都冇食到！！一點幾先食第一餐，食完野冇幾耐收到Susie o既電話∼

Susie：MM，食唔食水餃？？

MM：唔食啦，我啱啱先食完野，好飽。

Susie：拎幾隻留返肚餓先煮黎食啦∼

MM：要自己煮？！唔係你煮俾我食咩？！哈哈∼

＊＊由於唔肚餓，加上要自己煮，所以完全冇諗過拎！不過覺得好奇怪，點解會問我要唔要未煮o既水餃＊＊

MM：水餃係你自己包o既？！

Susie：係呀∼而家响房包緊！！

MM：嘩∼∼Susie親手整o既水餃，我要食！！　（立即收線，飛奔去Susie間房，哈哈∼∼）

　連裡面o既餡料都係Susie自己整嫁，好厲害呀！！

　由於Susie著得太SEXY，所以佢唔願意出鏡，只可以影對手∼

　裡面好多餡，又唔會爆出黎wor，好勁！！

　呢粒係特別版，Susie話要包粒＜燒賣＞俾我

　嘻嘻，呢粒係我包嫁，我覺得似＜蝦角＞多 ^^"　第一次包算係咁啦∼

　幫Rocker補祝生日，Joan買o既蠟燭，太攪笑啦∼∼

　菠蘿，50 YEN，好平呀！！而且仲好甜tim∼

今日係＜建國記念日＞所以唔洗返學，不過未夠11:00AM就收到高同學電話，佢話出面落緊雪，叫我快d起身睇∼

雖然好凍唔想離開張床，但高同學講到好靚咁，所以都行出露台睇下！一睇真係嚇親，以為自己夢遊去左北海道

　白茫茫一片

　地下仲要有積雪！！

　高同學响樓下同我打招呼，哈∼

响FACEBOOK見到其他同學都好興奮，仲上載左好多相。我緊係唔執輸，約埋Rocker出去行下影下相啦∼∼

　周圍都係雪，好開心呀！！

　雖然落雪，但冇我想像中咁凍！！

　請坐，嘻嘻

　去左河堤邊影相∼

　嘻嘻，大家估唔估到我做咩呢？！

　嘩哈哈，就係堆雪人啦！！

　小雪人＠河堤邊，係咪好可愛呢？