Ponchi Papa send左d相俾我睇啦！！睇到我流晒口水！！大家就好啦∼∼晚餐咁豐富，我就慘啦！！

並唔係我個人問題，而係今日o既晚餐真係超級難食　連Susie，高同學都話難食到食唔落，要返房再食其他野∼

　而家食緊宵夜 － 芝麻糊

都係果句：肥死同餓死，我寧願肥死！！哈哈哈∼∼

今日真係要獎勵一下自己！！朝早係超悶o既坂詰老師堂，我竟然準時返學，仲要上三小時堂冇瞌過眼訓

原因好簡單∼∼∼因為我上堂不停食零食！！糖，朱古力，餅乾樣樣都有食，哈哈哈

我仲唔止自己食，有請埋同學仔食嫁！！大家都瞌晒眼訓，有野食提下神都不知幾開心！！

午餐同Susie，豪姐姐，鄭同學，Jenny去食烏冬，總係覺得今日個配搭怪怪地！！不過Joan返左台灣，Rocker又帶左飯，

所以我地幾個先約埋出去食！！鄭同學好好笑，佢走埋去一個高年級o既芬蘭女仔到，問人可唔可以一齊影張相，

不過個女仔都好樂意，冇當佢係變態佬∼　之前奧村老師都有提起過呢個女仔，話呢個女仔上年有讀＜地域交流＞呢科，

去到小學交流超有人氣，因為d小學生覺得佢好似公仔，而d老師仲要求同佢合照tim！日本人真係超級崇洋。

黎緊 2月25日上堂有一個類似天才表演o既野，仲要响埋隔離班面前發表＞w＜　本來我地班話全班一齊表演，

不過考慮到太多人冇可能個個都有得演出，所以決定分開兩組！！我地果組暫定表演話劇－＜小紅帽＞

大家傾開先知原來個個國家都有＜小紅帽＞呢個故事，不過結局有好多個版本，大家認識o既＜小紅帽＞故事結果係點嫁？

今日o既選修科係日本料理堂，嘻嘻，雖然有d混亂，同埋煮d野食麻麻地好味，不過好開心！！（唔洗坐定定上堂緊開心啦！）

　同組o既同學响到準備緊材料 － 切蘿白

　原來唔洗用飯煲都可以煲飯嫁，等我又試下先∼

　努力煎緊甜蛋卷

　成功左啦！！冇想像中咁難，不過煎到燶左少少，第一次整算係咁啦∼

　大根漬物，一組人整一碟。我唔太鍾意生o既蘿白！！

　味噌湯，一班人整一煲！我覺得寮o既味噌湯比較好飲！！

　我o既製成品　少少燶o既煎甜蛋卷／飯團　係咪睇見都流晒口水呢？！

今日２０號，又到左藥房做特價o既日子！！去買左好多日用品，仲買左浸浴用o既藥粉，佢話可以消除疲勞，唔知係咪真...

夜晚食飯好好笑，我同子瑩，高同學一見人就捉佢地坐低傾計，終於由7點幾坐到9點幾先走，其實食飯時間只用左半小時