１月７日，星期五
最後一個學期正式開學！！第一日上堂當然唔會遲到，仲有時間落食堂食早餐！真係要俾十個叻自己，哈哈哈∼∼
朝早係好悶o既坂詰老師堂，咁啱我又坐响最側邊wor，少d定力都遊左魂返香港飲早茶！！
 今次返香港買左馬仔同鴛鴦俾同學做手信，大家對鴛鴦好有興趣！！
 收到Heran同Sara o既手信，係韓國紫菜同紅豆百力支（真係附有一包紅豆嫁）
明明今日上堂唔係好用神啫，但放學超攰，訓左個超長o既晏覺，由6:30PM訓到10:30PM，差d趕唔切食晚飯＝＝＂
咁夜食晚飯竟然撞到Susie，仲識左一個新黎o既台灣女仔！講開台灣女仔，果個＜cosplay小姐＞終於走左lu，以後會少左好多樂趣！！
１月８日，星期六
今日右手做左好多運動，覺得右手瘦左好多，哈哈∼ 响好多日之前食堂入面已經貼左張紙話今日寮母要外出，所以冇飯食。
7:30PM時Kaku打黎，佢話聽人講今日冇飯食，問我係咪真！好彩佢果時未落去食飯咋，如果唔係就做左傻仔，哈哈！！
問Kaku借左本旅遊書，可以plan下KK同大隻Mike黎探我時去邊到玩，好期待呀！！（啱啱先開學就諗去玩＝＝＂）
１月９日，星期日
返左黎日本咁多日，係時候介紹下我帶左d咩野返黎 ^^ 緊係帶左好多野啦，如果唔係行李點會超重呢，嘻嘻∼
 YEAH！！！好好味o既花占餅同南乳餅，兩樣都超鍾意∼
 响家華哥哥舖頭夾o既軟糖，我要控制自己每日食少少，唔好咁快食晒！！
叮叮糖水－喳喳ｘ２盒，我成日食完飯冇幾耐就肚餓，食糖水啱晒∼
濃湯寶ｘ４盒，聽講一粒濃湯寶等於４碗湯，嘩！！如果我每次落半粒，咁咪可以用好耐law ^O^
煉奶一大支，之前我買左美綠沖黎飲，不過唔夠甜，我又冇買糖wor，用煉奶啱晒，又可以用黎＜查＞麵包！
有花生粒o既花生醬，當初我貪平買左一樽cheap cheap牌花生醬，超難食兼冇花生粒，都係頂好牌最好味，而且香港買平好多！！
 嘻嘻嘻∼∼有左呢支野，我可以整鹵水雞翼啦！！唔知日本有冇鴨舌賣呢？！
 米粉，米線，印尼撈麵ｘ１０包，終於唔洗成日食公仔麵同意粉∼
 除塵紙拖把都帶埋黎 仲帶左一樽仔滴露，我好鍾意滴露o既味，係咪好變態？？ |
呢份係Javy送俾我o既聖誕禮物，個包裝好靚呀！
ｅｅｅ∼∼∼係小鴨黎嫁bor！！
嘩∼∼∼係一隻小鴨手錶！！好靚呀！！多謝Javy
Hilda Mama靚湯，年藕綠豆章魚湯，好甜好好味（一邊打日記一邊流緊口水
）
一日飲三款湯，好滿足呀！！
全部我都鍾意食
唔好以為我地响到煎蛋∼ 其實我地係整緊..........
超大個，而且唔圓o既大阪燒！！
呢三位為食貓，請對自製大阪燒發表一下意見∼
戰場？！想問下各位，你地煮完飯之後廚房係咪都會變成咁？？
我好可憐呀！！Hilda Mama同帥軒好懶訓，唔送我出門口，淨係訓响床同我講BYE BYE＝＝＂
好彩有Ponchi Papa送我去機場，哈哈∼
食左個好豐富o既早餐！！
不過個職員好好人，冇罰到我錢，嘻嘻∼
飛機餐有我鍾意食o既雞肉同翠肉瓜 ^^
KK同大隻Mike响澳洲寄黎o既聖誕卡，THX
銘銘寄黎o既聖誕卡同聖誕禮物，係鴨仔同LITTLE TWIN STARS o既月曆
嘻嘻∼∼好開心∼∼
