早幾日大家已經話星期四會落雨，我都係半信半疑！！尋晚諗住洗衫，不過又怕真係落雨，所以睇下今日天氣點先決定洗唔洗∼

結果今日出猛太陽超好天，返學返到黎即刻洗衫！！點知........................夜晚真係落雨　天文台......係咪真係準到咁呀＝＝＂

Susie問我香港人通常會點樣叫朋友？？叫中文名？英文名？？定係全名？？我都未答佢，佢隔離個靚女台灣朋友就話.....

乜MM唔係台灣人黎嫁咩？！佢話聽我講普通話真係聽唔出係香港人！哈哈∼都唔記得係第幾次被人誤會係台灣人！！

Susie話有陣時我講野o既速度仲快過佢，特別係飲左酒之後　我黎左日本之後，只係得普通話進步，英文同廣東話都退步左呀＞＜

本來尋日下午已經準備好今日午餐o既飯盒，點知尋晚晚餐竟然食同一樣o既食物，都係食吉列蝦同肉，我唔想連續兩日都食同一樣，

咁樣會好熱氣嫁ma，所以個飯盒留返聽日，今日食杯麵！！我一拎個杯麵出黎，鄭同學就話佢食過呢款，好難食嫁∼＠＠

唔知係咪俾佢講一講有心理作用，即時覺得個杯麵唔好味。　＊＊　注意，只係唔好味，未至於去到好難食！　＊＊

但鄭同學話佢只會分好好味同好難食兩個層次，哈哈∼∼佢話難食到丟左個杯麵＠o＠　真係醃尖呀！！！

救命呀！！！我尋晚又＜俾鬼責＞啦！！！　自從上次＜俾鬼責＞之後，我放左張觀音o既卡响床頭，跟住o既日子變得好好訓∼

尋晚郁得返第一時間開燈，諗住望下張觀音卡，點知......張卡唔見左呀，唔怪之得......　我估張卡應該跌左响床同牆之間，

不過果時凌晨４點幾，冇理由推開張床搵啫，唯有開住燈訓等自己冇咁驚啦∼　我已經搵左救星幫我推開張床搵返張觀音卡，

今晚應該有覺好訓！！Susie問我訓覺之前係咪睇左d恐怖野？！訓覺之前我响到溫書，哈哈，唔通係個天叫我唔好溫書？？！！

聽講寮入面有個泰國女仔近排又＜俾鬼責＞，仲話感覺到有野拍佢對腳，勁恐怖＞＜　不過泰國咁猛，我諗佢應該唔係好驚∼

　唔好以為係車厘子，其實係迷你蘋果黎嫁！！多謝Leslie∼

嘻嘻，我之前提過o既新戀情今日又有新進展！話說之前因為我，個男仔可以同個女仔去撐枱腳食飯！！個男仔為左答謝我，

應承請我飲野，今日終於兌現承諾，唔止野飲，仲請我食薯條！咪以為有免費薯條食咁著數，當然又有第二個任務啦！！

唔止個女仔對個男仔評分，我地d二打六都有份評分嫁！今日個男仔表現都唔錯，我呢個二打六俾滿分，哈哈

１１月２６日，星期五

放學第一時間拎部電腦去整，個職員用個好攪笑o既方法，將膠片剪成長條形，再＜痴＞膠紙响上面，試下整唔整得返張卡出黎，

結果係失敗o既！！如果要拆開部機的話要等大約三個星期　三星期太耐吧！！遲下再想辦法，唯有買張卡賠左俾高同學先∼∼

本來好唔開心，不過後來Susie買左朱古力蛋糕請我同高同學食，答謝我地上次佢唔舒服時陪佢！有甜野食人都開心d，嘻嘻 ^3^

１１月２７日，星期六

　出發去大阪城郊遊！我做緊乜？？咪就係專心打麻雀law，哈哈∼

　天氣有點兒凍，凍到個鼻紅晒，鼻子保暖中∼再凍d真係要帶口罩出街！！

我同小咩咩，小咩咩個名係我改嫁！因為佢叫恣綿，見到個＜綿＞字就令我諗起綿羊，之後又聯想到羊咩咩∼∼

高同學部相機有個偵測功能，只要偵測到笑容就會自然連還拍照！初時高同學話要露齒笑先會偵測到，我試左好多次都唔成功！！

　小咩咩只要微笑就偵測到，連還係咁影＝＝＂睇黎部相機好鍾意小咩咩∼

　哈哈，好攪笑呀！！^3^

　左：小咩咩／我／高同學　　跳兩下就氣喘o既高同學

　今日天氣好好呀！

　彩虹

　最右手邊o既係Kou San

去完郊遊本來想打保齡球，但勁多人最後放棄，去左心齋橋行街！佢地三個都有舖試衫癮，試左幾個鐘，但一件都冇買到，哈∼

夜晚去左食Sukiyaki放題，淨係食肉同菜緊係返唔到本啦！！食返幾球＜哈根達斯＞雪糕咪返本law，呵呵∼∼

１１月２８日，星期日

原來＜天天天晴＞今日大結局啦，真係超快！！雖然今次Jim唔係做主要o既角色，不過後期有份做＜潮雜誌＞o既記者Gary，

間唔中都有出下鏡，咁快又冇得見Jim＞＜　黎緊果套處境喜劇o既陣容好似麻麻地，我諗我就黎開始煲＜巾幗２＞！！

夜晚差唔多9點食晚飯，食完冇幾耐同小咩咩，高同學食朱古力蛋糕，之後又食生果，哈哈，連食三小時，肥死了∼

１１月２９日，星期一

今日又要好趕咁跑去車站，可能真係太耐冇做運動，跑到喘晒氣＝＝＂聽日要早d起身，因為午餐煮湯，容乜易跑兩跑倒晒出黎∼

嘻嘻，今日係驚喜之日∼首先係學校有新戀情，唔......呢單新戀情係喜多於驚，女o既好好，男o既應該都唔差，不過都係啱啱開始，

男仔要加把勁呀，我地會幫你嫁！！　然後又見到d令我好驚喜o既相，其實都睇得唔係好清楚，哈哈，可以當睇唔到啦∼∼

Susie哥哥傳來的好消息，屬於小驚喜，恭喜晒！！今日仲剩返半小時，唔知仲有冇驚喜發生呢