１１月２日，星期二

我同Susie，高同學，Mai一齊坐29分班電車，結果電車延遲，4個一齊遲到，不過我地有拎到證明，所以唔會扣出席率！！

Susie話一舊擦膠可以用幾年，我幾個月就用完一舊！！點解我用得咁快？！買左舊新擦膠，好開心∼不過我都係想要蜻蜓牌多d＞＜

　d茄子好似去完非洲咁，哈哈∼

　Susie o既飯盒，不過係Leslie整o既！睇見都覺得辣＝＝

放學即刻衝返屋企煲埋＜讀心神探＞大結局，又睇完一套劇，感覺好空虛，黎緊睇邊套劇好呢？？有冇好介紹？？

　晩餐烏冬好難食！！！

１１月３日，星期三

今日係文化之日，公眾假期唔洗返學！而且仲要有免費午餐食，呵呵，超開心∼　午餐去左食大阪燒！

　大阪燒／炒麵

　就係呢個貪靚鬼請我食飯啦∼　點解請我食飯？！咁就要講下古仔啦！！

話說之前我地MSN講講下野，佢突然間冇覆我，後來第二日我問返佢，佢竟然話係我唔覆佢，仲話如果我係有覆佢o既就請我食飯，

好彩我MSN有對話紀錄嫁啫，嘻嘻，唔洗講野請食飯啦！！唔知係宿舍o既網絡定係MSN有問題，有陣時MSN會收或send唔到訊息，

不過有人實牙實齒講話我冇覆佢，仲賭一餐飯wor，我緊係唔客氣啦，呵呵∼∼　多謝晒

每個月o既3號同20號都係買日用品o既好日子，因為有95折！！哎吔，攪到我成個師奶咁tim，哈哈∼∼

終於踏入十一月，好緊張呀！唔知冬天幾時黎呢？！聽講今年日本天氣反常，夏天比往年熱，冬天比往年凍，仲話可能會落雪tim！！

慘啦，我咁怕凍，天氣再凍d我真係會唔願起身返學，我個唔遲到唔缺課o既記錄就會破左∼　希望冬天唔好咁凍啦＞＜

　午餐繼續食粟米薯蓉，仲有尋晚o既沙嗲∼

去超市買野撞到個新人，中國黎o既，佢好厲害，10月入學就讀2年班！佢問我係咪台灣人，其實佢唔係第一個以為我係台灣人嫁啦∼

佢話我d＜煲冬瓜＞唔錯，佢完全聽唔明佢果班o既香港人講乜∼哈哈！！雖然台灣同中國都係講＜煲冬瓜＞，但我覺得有少少唔同，

不過講唔出有乜唔同！可能我聽慣左台灣o既＜煲冬瓜＞，所以個女仔同我講中國o既＜煲冬瓜＞時，感覺怪怪地好似聽唔明咁

　入面全部都係肉，仲要炸到咁香口，淨係食完呢個都飽左７成！！

星期五旅行日，果個台灣女仔又著到超驚嚇，我可以肯定佢有問題，一個正常人絕對唔會著到咁樣去旅行law！！

　佢已經達到目的！！果日勁多人搵佢影相，哈哈∼∼

嘻嘻，今日又係悠閒o既一日！　訓醒＞＞午餐杯麵＞＞煲劇＞＞去超市買野＞＞煲劇＞＞煮飯＞＞煲劇

　用沙嗲汁煮嫁，雖然冇乜顔色，但係好夠味！！

哎吔！！咁快又放左兩日假，聽日又要早起身返學＞O＜　明明拎左d書返黎諗住溫下書，點知掛住煲劇，得個拎字完全冇睇過＝＝＂