聽日係曉婷生日，放學後大家去唱K幫佢預祝生日。今個星期日新黎o既韓國同學約食飯，下星期五舊1F班又攪飯局聚會，

真係超多應酬，本來想慳得就慳唔去唱K，不過主角係平時成日讚我可愛o既曉婷，點可以唔去丫，嘻嘻　唯有lunch用少d錢啦∼

　靚靚曉婷生日快樂！出年佢就返台灣啦，希望再有機會幫佢慶祝生日∼

　連"BIRTHDAY"都串錯，超離譜！

　例牌動作，响卡拉OK門口影相

　曉婷好可愛！聽到阿Joy（大合照橙色衫）話出年應該會結婚竟然感動到喊！

　唱K唱到7:00PM，返到寮啱啱好食晚餐∼

唔知d嬸嬸係咪知道共立寮o既負責人袁先生今晚會响飯堂食飯，所以晚餐冇平時咁難食！！袁先生多d黎食飯丫∼∼

大家係咪好想知希拉利拎左d咩野物資俾我呢？！留返聽日先開估，廢事聽日日記冇野打，哈哈∼∼

１０月２０日，星期三

　嗚嗚嗚　希拉利今日走啦！好唔捨得，呢幾日同居生活好開心^3^

由於要返學所以送唔到佢去機場，不過佢唔會懶床，而且又識幾句日文，都唔洗擔心佢去唔到機場搭唔到飛機，哈哈∼

呢幾日超好彩，無論出去定係返黎都撞唔到寮長寮母，所以冇俾人識穿我地屈蛇！幾日都撞唔到wor，真係好少有！！

今日選修科聽音樂，聽左三首歌，其中一首係山口百惠o既，首歌仲大過我呀＠＠　好彩有動畫歌同流行歌都冇咁悶。

　放學返到黎見到希拉利留左本雜誌俾我睇，哈哈，update下d八掛新聞先∼

　仲寫左張卡俾我，多謝你

回復平淡生活，即係放學唔去玩，返宿舍訓晏覺。晚餐冇得大吃大喝，食返普通o既晚餐。有點兒寂寞......

１０月２１日，星期四

今日好早就醒左，刷完牙洗完面收完衫後......竟然又訓返著，哈哈∼　弊啦！就快冬天，我一定唔願起身，有咩辦法呀？？

果然有訓晏覺人都醒神d，上堂冇遊魂，睇黎訓晏覺對我黎講好重要！！本來今日o既選修科係睇電影，不過實在太難啦！！

而家轉左上日本語能力試N2對策班，雖然我今年12月唔考試，但上定先都冇壞！！今日只係不停地做題目，d題目好深呀＞＜

放學同永井老師面談，好輕鬆，唔似得之前同奧村老師咁恐怖！！老師問我點解黎日本學日文，我照直講因為鍾意NEWS，

想黎日本睇演唱會，哈哈哈∼ 永井老師好好人，曉婷星期六生日，上堂時老師帶領我地唱生日歌俾曉婷聽，好溫馨呀 ^O^

　午餐o既甜品－布甸，呢d布甸我覺得麻麻地，都係芒果布甸好味d

　晚餐得好少野，好寂寞呀！好想食蟹∼∼∼∼∼∼∼∼

　午餐食漢堡包同咖啡啫喱，今次搶鏡o既係Susie o既手機吊飾

連續幾日唔夠訓，上堂完全處於遊魂狀態∼下午選修科堂明明係聽解，應該係聽野答問題先啱嫁ma，唔明點解功課竟然係作文＝＝"""

放學响車站會合希拉利，佢又向等我期間忍唔住手買左對鞋，哈哈，連續兩日係咁，真係唔夠定力！！之後行近鐵百貨買生果，

希拉利買左巨峰提子同哈密瓜帶返香港，真係睇見都想食，下次我返香港的話都買d返香港食先∼買完晒就拎d野返宿舍再出心齋橋，

本來諗好左食邊間燒肉店，點知去到間舖執左，都話天書信唔過嫁啦！！唯有响附近周圍行下，事但揀一間燒肉店食∼

　希拉利話想見下高同學所以叫埋佢黎，佢地幾時開始變左朋友？！

雖然限時食兩個鐘，不過未夠兩個鐘已經食到好飽！！食飽就搭地下鐵去希拉利生日之旅最後一個景點＞＞大阪港天保山摩天輪

　直徑100公尺，高112.5公尺

摩天輪其實係一個天氣予報黎嫁！！綠色係代表多雲；紅色係代表天晴；藍色係代表落雨。今日係綠色，即聽日多雲∼∼

上官方網站check摩天輪有冇維修時發現優惠券，只要print出黎買飛時俾個職員，即可以 630YEN買得入場券（原價 700YEN）

　發現一對情侶鬼鬼祟祟搭摩天輪！！！

　普通車箱　 　透明車箱

透明車箱得兩架嫁咋，既然唔洗加錢，又冇乜人只需等十幾分鐘，所以我地選擇坐透明車箱！！

　海遊館，入場費要 2,000YEN，太貴所以冇去到

　坐一圈大約要１５分鐘

　坐完摩天輪去左夾公仔，成功帶小白（蠟筆小新隻狗）返屋企！！

本來我地想要夾Hello Kitty煎pan＜用黎煎蛋o既！個職員已經幫我地推出左少少，但我地夾極都夾唔到，超失敗！！最終放棄............