Yvonne屋企發現小強，仲要係一家三口一齊出動，嚇到佢唔敢訓覺話要搬屋，哈哈∼尋晚同佢MSN傾計傾到4點幾先訓覺！

今日要同新人去市役所攪外國人登錄證，所以7點幾就起身食早餐。Kaku見到我個反應似撞鬼多，因為冇諗過咁早會見到我

　烘到個包燶晒tim＞＜

其實我覺得唔洗我地帶d新人去整登錄證，佢地咁多人，一人一句都溝通到啦！況且市役所d人幫我地d留學生整過咁多次，

都已經整到熟晒！！睇黎我同Joan可以功成身退，去銀行開戶口同申請手提電話就由佢地十幾個自己攪掂，哈哈∼

成個下晝都係訓覺時間，訓醒就食晚飯...

　都話豐富o既晚餐只會維持一日，今日即打回原形！

　9:00PM，Thomas打黎搵我開枱，即時乜都唔理去打麻雀！

四圈牌∼∼　激戰三小時∼∼　最終。。。。。。

　呵呵，有1000YEN進帳

上次我同Kaku輸錢，今次我地兩個報到仇啦！！！！多謝Thomas同阿Tom，嘩哈哈∼∼

嗚嗚∼∼最近有好多短期生讀完走！先先有Celine，之後到淑玲。今日下午打開信箱見到Yuly俾我o既信先知原來佢今朝走。

　如果我一早知道，我一定送Yuly去車站＞O＜

　午餐食餃子加菜

4點幾寮長打黎我房叫我落去，原來今日有新人到，要我幫手帶新人check房。其中一個新人住以前Celine間房，入到去超掛住Celine

我地寮真係越黎越熱鬧，今日黎左差唔多10個新人，有一個馬來西亞人，其他係台灣人，最厲害係全部都同我讀同一間學校！！

嘻嘻，今日仲去左一個平時唔會去o既地方＞＞男生o既洗衫房！寮長叫我教d男仔點用洗衣機。我一直都覺得好奇怪∼

寮有咁多台灣人，點解唔叫台灣人落去做翻譯？！原來係Joan攪出黎o既　佢今日出門口時見到寮長，寮長想佢幫手帶新人，

但Joan要出去，佢又知道其他台灣人今日唔响寮，所以寫左我房號碼俾寮長，就係咁，由一個日文同普通話都半桶水o既人做翻譯＝＝"

有新人話要出去超市買野，我同Joan就帶佢地出去，仲話埋俾佢地聽百元店响邊，邊到買野會平d，黎到人生路不熟冇人帶住好慘嫁。

諗返起半年前我黎到係Kaku帶我，之後我帶Joan，今日Joan又帶新人，如果遲d有新人黎應該到今日d新人帶啦掛，哈哈∼∼

　晚餐超豐富，仲有好好味o既蛋糕∼∼

我地個個都話今日晚餐比平時豐富得多，而且味道好味左，肯定係因為今日有新人，當係歡迎佢地，聽日就打回原形，哈哈

　開左小鴨枕袋同被袋用，好靚好可愛呀

今日係２８號，話咁快黎左日本半年啦！响呢個咁特別o既日子，收到銘銘寄黎o既包裹，真係超開心，多謝

　唔寫寄件人名都可以寄野嫁咩？？

　入面有杯／信／叮叮糖　仲有罰抄，不過有人扮晒野，d罰抄唔夠數law...

post兩張上星期生日party o既相先∼

　雖然冇响香港打邊爐咁多野食，不過都OK啦∼

　嗚嗚......我俾人蝦呀！！有相為証！！

　晚餐，個汁好好味，其餘o既都一般∼

今日比平時早左落去食飯，因為想早d食完飯去超市買野。估唔到早左食飯又撞到Aki，佢好攪笑，食完一碟飯後覺得好好味，

响到爭扎添唔添飯好，叫我同佢猜＜包剪揼＞，哈哈∼ 想添飯咪添law，我唔會笑你大食嫁bor，因為我都食好多野，嘻嘻