８月３０日，星期一

哈哈，個個都話我今日o既衣著似去海灘多過返學！背心，短褲，涼鞋　第一次著涼鞋返學，大家都讚對涼鞋好可愛

對鞋响韓國買嫁，遲d post俾大家睇　lunch時陪Susie去銀行提款，行過章魚小丸子店突然好想食，午餐食章魚小丸子＋果汁一盒。

下午久保老師堂測驗，本來我唔知今日要測驗，咁啱上星期五去睇高同學打台灣牌，阿Tom講起我先知要測驗，真係超險！！

　我味覺有問題？點解我覺得連個湯都係辣o既？！＠＠＂

8月31日，星期二

　好耐冇食寮o既早餐！原來而家有奶飲，可以慳返唔洗自己買。

　午餐食大阪燒＋炒麵

　今日突然好想食豬扒，結果晚餐真係食豬扒

今日放學落樓梯時，Leslie响我前面無啦啦急停，我成日人撞左埋去，隔離個黑人同學（我唔識佢嫁！！）用日文同Leslie講...

＜危險，撞到CHI BIK KO啦！＞（CHI BIK KO係指小孩子）俾人話係CHI BIK KO，真係唔知好嬲定好笑

９月１日，星期三

　連續兩日食到早餐，有進步^^　以前d麵包好早收埋，而家8:00AM都仲有！好野

　午餐食三文治＋果汁。我已經食得甜嫁啦，但都覺得盒果汁超甜，要加水落去溝淡佢！

　晚餐有我o既死敵－魚，但又有我至愛－茄子

　心情差最好就係食甜野，同埋訓覺！！

本來８月放暑假好開心，但８月尾發生兩件唔開心o既事，真係好難過！　終於都９月啦∼∼新一個月，又一個新開始。

印象中年年９月１號交通都係勁混亂，帥軒，Cally第一日返學有冇遲到呀？Hilda Mama都放完假返工啦，唔知佢今朝有冇懶床呢

放學回到家開Facebook，見到好多中學同學都寫R.I.P.，已心知不妙。

後來知道原來自殺o既係阿KIT，真係好震驚，好唔開心。

見到嘉威打左篇文章關於同阿KIT o既回憶，我不停响到諗同阿KIT有過咩野回憶呢？！

明明大家同班兩年，點解我對阿KIT o既回憶會咁模糊？！越諗唔起就越覺得傷心。

發現對阿KIT只有一d好零碎o既片段，好慚愧！

不過呢d零碎o既片段，全部都係我地開心o既片段！

希望來生有機會再做同學，朋友，雀友。 R.I.P.

韓國之旅第五天（８月１７日，星期二）

　嘻嘻，終於可以訓晏d，接近中午先去明洞行街

　好有特色o既餐廳，外牆係木黎嫁。不過我地唔係响到食lunch

　五味子茶免費試飲！！味道......完全唔係我杯茶＝O＝

個個都好留心望住個阿嬸整！原來做法好簡單，煮熱d糖就攪掂，再用個模整唔同形狀。咁呢塊野咪得個甜字？！？！

　食lunch o既餐廳好隱蔽，响條行入面！

　條行出面有兩個奇怪人企响到，唔洗驚搵唔到！

　石頭鍋飯

　冷麵

　人參雞湯，d人參緊係冇咁粗啦！！

　呢一餐大家都好評，特別係石頭鍋飯！

食完飯繼續响明洞行街，行左兩個鐘頭左右，行到攰緊係要休息下，又係時候食下午茶，呵呵∼∼

　我同帥軒格過晒價，睇過晒d蛋糕o既樣，最終決定去呢間！

　食蛋糕，飲咖啡，好嘆！

　如果帥軒真係一次過食三件蛋糕，會唔會變肥仔呢？

　哼！俾個阿叔搶晒鏡tim＞＜

　去左一個宜家傢俬＋City Super混合體o既超級市場

由於買左好多野，所以搭的士返酒店。明明已經上左的士開埋車，點知個司機唔知道間酒店响邊趕我地落車，痴線嫁！！

後來搭第二架的士，個司機又係唔識路，不過呢個司機打去酒店同call台問人點去，咁先係正確o既服務態度嫁ma∼∼

返到酒店都已經9點幾，即時分工合作煮晚餐，你地冇睇錯！我地响超級市場買左餸返酒店煮晚餐食呀∼

帥軒同Ponchi Papa煮牛肉同豬肉；Chubby同Jessica煮雞肉；建文叔叔煮牛油雜菌；我同Hilda Mama煮麵同菜。係咪好豐富呢

＊＊如果想睇其他相，可以到以下網址＞＞　http://s876.photobucket.com/albums/ab326/MMinJAPAN/KOREA_2010/DAY5_17_8_2010/