之前收到mail話9月4日會收到演唱會飛，所以未夠12:00PM就起身，刷完牙洗完面，頭都唔梳就即刻衝落去信箱收信∼∼

　信封面寫到明今日送嫁∼

 　嘻嘻，到手啦∼

　有我個名嫁！呵呵∼

至於位置呢∼∼　スタンド　11通路，中央Fブロック　28列　9番，10番。

由於冇坐位表，所以我都唔清楚屬於咩野位置，希望唔好咁遠，我要睇清楚加藤成亮個樣呀！！

早前又收到個mail，佢話响生日當日登入Fans Club個網，就會收到由Artist講o既＜Birthday Message＞（動畫）

唔通係加藤成亮同我講生日快樂　等我問Susie借相機，偷偷地錄低佢先，嘻嘻

尋晚同Leslie用Skype傾電話，傾到2:00AM先訓覺！第一次同佢傾計傾得咁暢快！因為佢手提唔同台，傾電話同SMS都要收錢，

所以平時就算電話聯絡都唔會講好耐。雖然有佢MSN，不過佢唔識睇中文，所以MSN時要用英文溝通，突然間要我轉英文台，

真係頭都大埋　太耐冇開Skpye，都唔記得左個密碼係乜，撞左好耐終於俾我撞中左！以後同Leslie溝通唔洗打英文咁辛苦啦

就係因為同Leslie傾電話，攪到我今朝唔知醒！！（有人唔識睇中文，緊係賴落佢到啦！响到講佢壞話都冇問題∼嘻嘻）

又要急急腳咁行去車站，平時女仔派宣傳單張我唔會拎，不過今日係男仔派，就算幾趕都幫佢拎返張（我係咁大細超嫁啦，哈∼）

响學校附近便利店買麵包同朱古力奶做早餐，食得太多，到左食lunch時間都未肚餓，所以今日冇食便當。

　午餐食忌廉蛋糕，其實係因為個公仔太得意，忍唔住買黎試下！

下晝大西老師堂又要作文， 老師話份作文要今日交，落堂前未作晒的話就要留低作埋佢。平時兩堂時間我一定作唔晒，

不過我答應左Kaku今日放學後即刻返宿舍借張車飛俾佢用，我真係攪盡腦汁，終於趕得切响落堂前作好篇文，太叻啦我 ^O^

本來去藥店淨係買防曬，點知發現藥店每個月o既３號同２０號全店貨品９５折！！咁啱今日係３號，即時買多幾樣野∼

　左：唔想有＜士多啤梨鼻＞就要用佢！　右：日日都要用，冇佢實變非洲黑人！

　左：洗頭水　右：沐浴露（兩樣都未用過，見佢地包裝唔錯所以試下用∼）

班上台灣女仔讚我皮膚好，冇乜暗瘡，日日素顏見人！　雖然我唔識化妝，冇敷mask，不過點都要查少少野護膚o既！

　除左查面之外，仲要用防曬，body lotion，hand cream，eye cream（都唔係好多野啫！）

　晚餐食炸雞，又係炸野，皮膚幾好都死啦！！！！點可以唔用護膚品呢......

之前去研修旅行o既時候，左邊下鄂忽然好痛，痛到連食野都有困難，正確黎講係連咀都唔可以擘太大，都唔知發生乜野事！！

後來我冇理佢，之後隔左一排佢又唔痛啦wor。到左今日，下巴突然間好痛！！我記得自己冇撞親，而且下巴又冇腫起。

好苦惱呀！！！都唔知發生乜野事，洗唔洗去睇醫生呢？！佢地仲講笑，話我去韓國整下巴，整容失敗所以痛，哈哈∼

如果係整容的話，我會揀整高d個鼻，明明Hilda Mama同Ponchi Papa個鼻都唔係咁扁嫁，點解我個鼻會咁扁？！

　早餐舊雞o既味道好似鹵水雞，好好味

大家仲記得我之前講過，响月台有個變態佬嗎？今日我同呢個變態佬差d撞埋一齊，而家諗返起都覺得好嘔心！！

話說今日我食早餐食遲左，所以叫Joan佢地走先，我自己搭車返學。我本來諗住搭29分班車，咁啱撞到高同學，

佢話行快兩步就趕切搭23分班車，所以我地急急腳咁行去車站。當我行緊去入閘機時，個變態佬响側邊行出黎，

好彩我即時停低，如果唔係實同佢撞埋一齊＞＜　好想知道個變態佬日日响車站流連幾耐，佢會唔會去第二個車站呢？！

　呵呵，過左一個月啦，又可以食Mos Burger

今次試Mos Cheese Burger，幾好味！不過太多醬，食o既時候有d麻煩∼　所長，仲有冇特別推介呀？？

尋晚未夠1:30AM就訓覺，對於我黎講真係超早！不過今日依舊懶床唔願起身！唯一唔同係上堂冇瞌眼訓，哈哈∼

　又唔可以話好難食o既，不過又稱不上好味。