哈哈，尋日我冇份BBQ但仲快過有去BBQ o既人post相！因為我太想參與啦，所以Ponchi Papa佢地一返到屋企我就即刻急不及待要睇相∼

　响你地好HAPPY咁燒緊野食o既時候，我好可憐咁食緊意粉

今日Leslie飛返馬來西亞，本來應承左6:30AM打電話俾佢，點知訓到10:30AM先醒，好彩趕得切响佢上機前打俾佢，哈哈∼ SORRY

一早就去銀行同市役所幫高同學交錢，一個人去好緊張，日文又唔掂wor，勁驚d職員聽唔明我講乜，好彩有驚無險攪掂左，呵呵^^

約左Celine同Joan去行街，天氣咁熱我都唔想出街，不過要揀結婚禮物俾Jimmy冇得唔出！！懶得煮午餐，所以約佢地出街食。

　三種芝士牛肉飯，300 YEN

　哈哈，副眼鏡好攪笑呀！！

行到兩點幾就返歸，又熱又攰＞＜　仲未買到禮物，要再問下Hilda Mama意見先決定買咩，哎吔，即係黎緊呢兩日又要出多次去

　晚餐又係牛肉飯，不過緊係午餐果碗好味好多！！

　晚餐得個甜品最好味！士多啤梨奶凍？！其實我都唔知係乜，總之食左兩兜，好滿足∼

高同學返左台灣，叫我食埋佢果份早餐同晚餐，飯我就食唔落嫁啦，食多份甜品或者生果就冇問題，嘻嘻∼

寮長同寮母做到7月31號就冇做啦，我諗係因為寮長病要調理身體掛！冇寮長寮母真係有d唔慣，連食堂d野食都好似難食左咁。

以前我地出去或者返黎寮長寮母都會同我地講野嫁ma，而家個代監護人（我都唔知佢真正身份係咩！）連眼尾都唔望下我地∼

想同佢打招呼都冇機會= ="　冇寮長寮母，男同女終於可以傾計啦，哈哈（真係諗唔明，點解男同女唔可以講野？？）

鍾氏家族BBQ聚會，＜燒雞翼，我自細鍾意食＞　唔止BBQ，仲有雪糕蛋糕食tim，真係羨慕死我

大家對個雪糕蛋糕有咩評價？聽講連董事長都有食bor∼見到都流晒口水！！

尋晚個日記網又有問題，可以登入但入唔到打日記個版面，成日都有問題，好嬲呀！！可能要做左VIP先冇呢d問題，屈機！！

７月３１日，星期六

第一日放假已經超厲害，7:00AM就起身食早餐with高同學。高同學返台灣過暑假，不過响去機楊途中先發現未交保險費，

星期一係最後限期，佢拜託我幫佢交或者睇下可唔可以延遲交，星期一去市役所又係練習日語會話o既時候，好緊張呀＞o＜

訓到4:00PM先起身，咪以為我訓好多，其實加埋訓左都冇12個鐘！！懶洋洋o既一日，淨係睇劇同食野，完全冇做過家務同功課！

其實係半日先啱，因為起左身12小時又訓覺！同Kaku去左Thomas房吹水，Thomas竟然响到溫書，傻嫁＠＠＂佢溫書溫到傻左∼

不停叫我唔好客氣隨便坐，其實當時我已經坐左响到　極度懷疑Kaku同Thomas係兩兄弟，定係佢地兩個心靈相通呢？？

話說Kaku返左房打電話時我同Thomas傾計，內容如下：

T：今日訓到幾點起身呀？　　　　　　　　M：４點

T：嘩，咁你今晚幾點先訓？　　　　　　　M：想訓的話幾點都訓到

T：晚餐食左乜野呀？　　　　　　　　　　M：自己煮野食

T：煮咩野食？　　　　　　　　　　　　　M：意粉

Kaku打完電話返黎後，竟然問我同樣o既問題，係完全一模一樣，呆左　連Thomas都話佢知道晒d答案，可以代我回答，哈哈∼

８月１日，星期日

今日冇尋日咁恐怖，未夠2:00PM就起身，訓醒時太陽都仲未落山 ^^"　早餐繼續麵包加榛子醬，好似大隻Mike咁食到上左癮tim

　飲啖茶食塊包，好歎呀！超濃o既普洱茶，Hilda Mama話老人家先飲普洱＞＜

平時Susie同曉婷見到我facebook d相，會讚我可愛，Leslie响msn又會叫我做cutie，不過最近竟然俾我發現有個同學可愛過我！！

　果個可愛同學就係黎自韓國o既文同學∼∼

最近佢多左個花名叫＜美人＞，因為佢個名＜熙軫＞個日文讀音＜HI JIN＞，同美人讀音＜BI JIN＞好似，連花名都可愛過人，哈哈∼

話說星期五小息時，佢無啦啦叫我行去佢個位到，然後..........叫我幫佢丟垃圾　我緊係唔肯啦，點知佢對住我不停眨眼向我放電

佢對眼已經唔大嫁啦，竟然咁都可以放生電，笑死我同Mira　最後我出於好人而幫佢丟垃圾，並唔係因為佢電到我，唔好誤會

下次我一定唔幫佢，廢事寵壞呢個小朋友！佢真係小朋友黎嫁，今年先得19歲。Mira話如果文同學係30歲的話一定會愛上佢，

因為佢好可愛，而且唱歌好好聽，直頭好似播CD咁好聽！如果佢唱緊歌時你望住佢，佢會好怕羞咁用手遮住自己對眼，好攪笑∼∼

其實唔止文同學，Thomas都好可愛，特別係飲醉酒o既時候，哈哈∼∼　就快要同1F o既同學仔分開啦，真係唔捨得