７月４日，星期日

今日係考日本語能力試o既日子，大家係咪覺得好奇怪，點解之前都唔見我話溫書？！嘻嘻，冇錯！！因為我完全冇溫過書就去考∼

以前日本語能力試係分１－４級，１級係最難最勁，我只係考左最低o既４級，仲要係５年前考，所以好多野都已經唔記得晒。

但能力試由今年開始改左制，變左Ｎ１－Ｎ５，當然Ｎ１係最難最勁啦！至於我今次考o既Ｎ３，係屬於舊制度o既２級至３級程度。

其實我仲未學到果個程度，不過佢７月o既考試只有Ｎ１－Ｎ３，我又想考下拎個經驗，睇下改左制後有咩唔同，所以就報左考Ｎ３！

　考試場地：大阪經濟大學

學校驚我地唔識路去，所以叫我地11:00AM返學校集合，再有老師帶我地搭車，送到我地去大學門口，咁就唔驚因為迷路而遲到啦∼

　由天王寺搭車去大阪經濟大學要一小時，好遠 @@"　嘩！！人山人海.............

　Susie同Joan考試前要補充體力∼

考聆聽時有個人電話響，個監考員即刻拎張＜紅牌＞出黎趕個考生出課室，哈哈，笑死我，係咪因為呢排世界盃所以要出動＜紅牌＞？

考試分３部分，＜詞彙，文法，聆聽＞，以前舊制度係將３部分成績加埋，所以就算有１部分失手唔合格都冇問題！加埋合格就得！

但新制度要求３部分都一定要合格，所以被人趕出去果個考生，聆聽被人取消資格，佢今次個Ｎ３考試一定唔合格，好慘呀∼

考試真係好辛苦，由12:30PM開始考到5:00PM，中途只係放break冇放飯時間，所以今日冇食到lunch，只係食左麵包咋∼∼

搭車返歸時遇到個好可愛o既BB，佢捉住我件衫唔肯放手，佢媽咪鬆開佢隻手冇耐又捉返住我，哈哈∼7個月大o既BB都被我迷倒！！

　今日早，午餐都只係食麵包！完全唔夠飽，餓到死死下！所以晚餐要食多d∼

７月３日，星期六

11點幾訓醒，又係下雨天，早知尋日去定超市買野啦，雪櫃一d食物都冇，唔去超市會餓死，落雨先黎入貨，搵自己笨＞＜

　病人緊係要食得清淡d，咁先快d好返！！

夜晚好忙，一邊睇阿根廷對德國，一邊同Hilda Mama開眼仔，一邊抄罰抄！！竟然可以一心三用，我都覺得自己好勁∼

Hilda Mama真係非一般Mama，竟然同個女講......＜咪鬼抄罰抄啦，睇波吧啦！！＞　哈哈，完全係魔鬼Mama

　粉絲超辣！魚味道唔錯！（唔通我病到傻左@@"）

尋日收到一封由香港寄黎o既信，好開心。　不過......有人竟然寫錯我個名！！！！！！好嬲呀∼∼∼

我個名得三個字，但係你寫錯兩個字 = =""　銘銘，你有d咩野解釋？！寫錯兩個字，同我罰抄二百次呀∼

大隻Mike都寫錯，不過佢淨係寫錯個姓，所以佢只需要罰抄一百次！

乜我個名好難寫咩？點解由細到大d同學都寫錯？！特別係個姓，雖然＜鍾＞同＜鐘＞都係姓氏，兩個都有人用∼

但明明呢個＜鍾＞較多人用，好似鍾嘉欣...鍾欣桐...鍾鎮濤...鍾舒漫...鍾麗緹！！唔明點解個個都以為係呢個＜鐘＞

大家唔好再寫錯，寫錯我個名係要罰抄嫁∼∼順帶一提，＜加藤成亮＞個名係咁寫，寫錯佢個名都係不可原諒！！！！