因為世界盃睇波。。。。。。

天光先訓覺　＞＞　唔健康！

訓到3:00PM先起身　＞＞　唔健康！

一日食得兩餐　＞＞　唔健康！

日日淨係食午餐同晚餐，早幾日買返黎o既麵包放到過期都未郁過！今日午餐食左兩塊麵包，食過期野　＞＞　唔健康！

因為好晏先食午餐，所以成日都唔肚餓，攪到9:00PM先食晚餐　＞＞　唔健康！

睇黎呢d唔健康o既生活，要到２４號開學先消失，哈哈

4點半啦！！出面都差唔多天光∼

除左我同所長睇緊波，

相信其他人都發緊個好夢 ^^"

難得我捱眼訓睇波，入返球黎睇下好wor！！

最好係阿爾及利亞入波先∼

咁就真係好睇啦 ^O^

7:15AM起身見今日係陰天，所以打俾天馳同學問佢仲去唔去USJ，佢話取消唔去，失望！既然起左身就落去食早餐啦∼

　竟然遇到我覺得好好味o既蛋，YEAH ^3^

8:15AM收到Mira電話，佢話完全唔知今日取消左，咁啱响FACEBOOK見到我講先知！睇黎天馳同學呢個聯絡人唔係好掂wor∼

好彩我地冇去到USJ咋，今日落足成日雨冇停過，去到USJ都冇得玩過山車啦＞＜　食完早餐繼續訓，訓到兩點幾先起身！

午餐繼續食咖喱，睇黎我買o既料可以整6個人份量law，哈哈！！食完野去左超市買野，黎緊仲有幾日要自己煮午餐呀。。。。

今日黎左個大清潔，全個浴室清潔晒！之後又吸塵，抹地板，全間房抹塵！做完即刻覺得自己瘦左又輕左，日日做肯定減到肥！！

8點幾食飯竟然撞到Susie，佢話落雨電視收得唔好，所以唔睇波走落黎食飯。最後我地兩個响食堂睇埋德國對塞爾維亞先走∼

　咁豐富，食到睇埋第二場波先走都仲得，嘻嘻^^"

响食堂睇波好冇癮呀，又唔可以大叫，又唔可以拍枱，要控制住自己保持儀態，哈哈！咁辛苦我寧願一個人响房睇！！

大家有冇睇斯洛文尼亞對美國場波呢？睇住美國由輸兩球追到平手，仲差少少入埋第三球，勁緊張呀！第三球唔算數真係唔抵＞＜

同Javy開眼仔，竟然見到澄澄，一星期見三次面，仲密過我响香港果時，呵呵　唔知Hilda Mama同澄澄眼仔講左d乜野呢？！