今朝早餐食得太急，唔記得影相！食左假o既太陽蛋，火腿，生菜，麵豉湯，我諗大家都聯想到係點o既樣啦∼

終於頂唔順要轉"咩"背襄返學，都唔知點解返學要帶咁多野，個袋重到好似有石頭响入面咁，唔知仲以為我去camp tim呀！！

　午餐食洋蔥豬肉飯，睇落好好味，不過油左少少！

下午奧村老師堂突然話要全班調位，坐左半個月又調，玩野咩= ="　張旭同學一臉認真同我講："不要想我∼"　笑死

今次老師將d位編左號碼然後叫我地抽紙仔。我越坐越後，坐第四個位，隔離係Thomas，其實我覺得調左等於冇調！！

因為之前Thomas都坐我後面！而且Susie，張旭同學都係坐响附近，只係隔左條走廊，個天安排我地又坐埋一齊∼哈

　Thomas，黎緊半個月多多指教。

下午食完茶點竟然唔眼訓，所以冇訓到晏覺响到做家務。吸完塵覺得地下好乾淨，好想訓响地下到碌下，哈哈∼

平時台灣女生6:30PM就食飯，我通常8:00PM一個人去食，今晚食飯時撞到Susie去丟垃圾，佢話冇野做所以坐响到睇住我食飯。

　YEAH！！！今晚終於唔係食魚啦∼∼∼

我有投訴呀！！早餐好唔健康！！見唔見到左上角果兜係乜？麻油芽菜！嬸嬸仲話對身體好叫我食多兜

好彩冇食到咋，唔知係咪油得滯，上堂時肚痛law >ｏ<　不過痛到放break就唔痛，玩野∼哈哈

另外，我早兩日已經見嬸嬸响到切薯仔，估唔到d薯仔到今日先出現　究竟d薯仔放左幾多日？！？！

左：我的午餐∼三文治　中：Celine的減肥午餐(豆腐／洋蔥／肉)　右：Joan的慳錢午餐∼自制三文治

趁今日落雨又冇帶遮，走左去Mio買把直遮！Susie响百元店買過直遮，不過感覺把直遮同縮骨遮差唔多

大風少少都會吹翻，而且未用就已經有d生"秀"，超離譜。所以我決定買把貴d o既，可以耐用d ma∼∼

　其實係湖水藍色，2630 YEN (約HKD$ 225)，Hilda Mama話唔係好貴啫^^"

今日派左新o既教科書，拎住兩本書已經重嫁啦，d車仲要延遲= ="平時放學通常都有位座，今日唔止冇位座，仲要勁迫！

晚餐.......無錯！！又係食魚......@@" 　今日真係好黑仔！！不過，仲未黑完law.........返到房.........

廁所燈竟然唔著，黑媽媽乜都睇唔到，勁驚冇得沖涼＞＜　呢個時候第一個緊係諗起Kaku啦！！點知冇人聽電話.......

後來佢覆返我電話，教左我點用日文同寮母講，咁我就落去搵寮母啦！點知........我拍晒門都冇人應我........點算點算

之後有兩個日本男仔準備出門，見我好迷茫咁就幫我周圍搵寮母，最後佢地開左寮母隻門，好大聲咁叫寮母，寮母先出現∼

我諗寮母應該訓緊覺，好彩有人幫我叫醒佢，哈哈^o^　寮母俾個燈膽我叫我自己換，平時呢個時候緊係叫Ponchi Papa嫁啦

最後叫左阿水黎幫我換，估唔到換個燈膽都要咁多人幫手，今日真係好黑仔呀！！！！！！

　見你幫我換燈膽，就獎你同我老公加藤成亮影張相啦∼

又蝕左一日早餐啦！！三文治有芥末醬所以食唔到，另一款係魚又唔想食，一早就黑仔到咁　最後返房飲奶食沙律。

今日我，Susie同Joan三個都著紅色衫，Celine問我地係咪約埋，我同Susie話今日要測驗，所以著紅色旺一旺佢，哈哈∼

我答問題時大西老師叫全班留心d聽，因為我講野好細聲，其實都唔算好細聲丫，因為我坐响死角位，d人先聽唔到啫。

而且我體力不足，d精力用晒去聽書，所以冇力講野！就响大家都好留心聽我講野時，老師唔覺意地問左我一個問題........

老師竟然問我今年幾多歲？？ 　唔止我，全班都响到笑，老師！！！乜你唔知年齡係女人死穴黎嫁咩

午餐淨係食炒麵加大阪燒好似唔係好夠，所以加多盒tiramisu，點知兩樣野加埋要403 YEN，仲貴過食個飯盒@@"

下午中國留學生要去聽講座，唔知點解香港留學生唔洗去，明明我地都係中國人黎嫁wor！感覺上日本將香港同中國分得好開∼

哎吔，隔離冇左張旭同學好空虛呀！！原來去聽講座好慘，聽到4:30PM都仲未聽完，4:30PM我已經食完tea準備訓晏覺，哈

　晚餐食"蟲蟲"

今日終於同小KK响facebook傾左幾句計，過左去澳洲之後冇晒消息，擔心死我，快d諗辦法偷人地條線上網啦∼∼∼

夜晚澄澄過左四姨媽屋企所以有得同佢開眼仔，然後又同屋企人眼仔，不過Hilda Mama未夠12:00AM就話眼訓要訓覺