今朝早餐一係有芥末o既三文治一係魚，兩樣都唔啱食，所以去左便利店買野食！發現原來便利店有好多105 YEN o既零食

臨上堂前兩分鐘都唔見Kelly，仲以為佢會成為第二個遲到o既人tim，最後佢都趕得切返黎！我又要小心d啦，哈哈

　午餐又食熱氣野，唔怪之得即刻標左幾粒暗瘡。。。

下午奧村老師堂又响到鬧人，佢話我地上次測驗成績唔好，最好果個都係得80分左右，大部份人都係得60幾分，

咁唔代表我地班唔努力溫書嫁wor！之前幾次測驗大把人拎8字頭9字頭，我覺得係你出得份卷深我地班先唔識啫！

仲話同我地班面談，淨係聽得明三四個同學講o既野，我地黎左兩個幾月咋，你唔係預期我地可以好流利咁同你溝通ma= ="

身為班主任都唔鼓勵下自己d學生，淨係識得同d學生講成績唔好就要去成績差o既班，都廢事理佢，當佢唱歌算數∼

放學返到黎發現個鬧鐘停左，好彩唔係半夜停咋，如果唔係實唔知醒！即刻走去買電芯，行返宿舍途中個天黑晒又行雷

結果一返到上房就即刻落大雨，超好彩！^^"　又係趁我想洗衫先黎落雨，不過唔緊要，掛晒响房開冷氣吹乾都得啫∼

　好想食中國"送"呀，Hilda Mama快d過黎煮俾我食啦＞３＜

本來想早d打日記然後做功課溫下書，點知上唔到網，問過其他人都係上唔到，肯定係有人霸住條線用黎打機，非法下載........

嘩∼∼又就快11:00PM！！要做個乖學生做功課，溫書啦∼　聽日就係死期到－派測驗卷，成績肯定創新低......@@

其實唔止今日，我日日都食好多野！好似暴食症咁！真係好難忍口呀！攪到我都唔敢上磅　俾K哥講中我真係變左肥M∼

　早餐本來好健康，但加埋沙律醬同茄汁即時肥晒∼

終於學到乜鬼野＜自動詞＞同＜他動詞＞，有少少難，不過而家暫時都明，但千祈唔好問我問題，一問我就會亂晒唔記得晒！！

哈哈哈，平假名同片假名默書終於都合格啦，完全係奇蹟！！其實我只係撞彩嫁咋，根本都唔知d字點解，勁難呀∼

　午餐食麵，咪以為好大碗，其實好細碗，食完唔係好夠飽！

本來想去買薯條食，但太多人排隊懶得等，所以走去便利店買雪糕食！本來大家只係陪我去買，但最後。。。。。。

Susie同Joan唔係話要慳錢嫁咩？Celine最離譜，啱啱先食完減肥餐，轉頭就走去買雪糕食　大家都受唔住誘惑，嘻嘻！

下午茶食左乳酪，餅乾，魷魚絲，仲飲左一杯果汁，d野食都未開始消化就訓晏覺，想唔肥都幾難∼

　晚餐食中華冷麵，我覺得好淡冇味。Aki話便利店買仲好味過飯堂呢d@@"

　蛋同青豆就咁食好怪，應該用黎送飯，但冇理由又食多一碗飯啫= ="

有冇人可以幫我計下今日食左幾多卡路里？？但今日o既運動量接近０，咁我體重又會增加幾多呢？？

哈哈，見到標題係咪以為係我呢？！唔係我bor，係張旭同學！我地1F班不嬲都好乖冇人遲到早退o既∼

9:00AM開始上堂，但8:50AM就已經返齊晒，個個乖乖地坐响位溫書。今日打左上堂鐘都唔見張旭同學，其他同學就打俾佢啦

原來佢仲訓緊覺　我地好衰呀！！同佢講已經開始上堂，可以慢慢食埋早餐先返，唔洗咁急！！

今日片假名默書遇到一個諗極都唔知係咩野o既字，＜トラベル＞（音：To Ra Be Ru），一查字典即時O晒咀！！@@"

原來呢個字係英文Travel譯過去o既，天呀。。。。枉我仲係讀Travel & Tourism出身！不過，點讀都讀唔出Travel呢個音啦＝Ｏ＝

　Celine食緊減肥餐，睇見我盒麵流晒口水，SORRY，我係咪應該唔好引你呢？

Thomas好慘呀，返學時漏左個私家飯盒响JR，佢話本來今日好豐富，最後變左食便利店d飯盒，希望佢搵得返個蜘蛛俠飯盒啦∼

訓左3小時晏覺，仲夢見Koeman同Javy。夢見我地去夾糖，我同Javy將d糖撈埋一堆，跟住俾Koeman鬧，叫我地分返開d糖。

哈哈哈，訓覺都夢見Koeman發火！！不過都慣晒啦，細細個開始已經俾佢鬧我食飯食得慢！（其實而家都食得好慢）

　冇辦法啦，晚餐咁多野食，起碼食一個鐘！要慢慢食先唔會變肥呀！知道嗎？！