６月４日星期五
上次拆左鬧鐘粒電出黎再裝返入去後又行返，所以冇換到新電，估唔到今日就出事！支秒針kick住左唔行，所以停左响5點幾！
我一訓醒真係以為5點幾，好彩順手望下電話，原來已經7:50AM 個情況同以為個M&M's鬧鐘一樣，唔通又要買過個新o既？
派測驗卷，全班最高81分，最低56分，平均分68分，我竟然高過平均分有71分，雖然係咁多次測驗最低分一次，但合格已經好開心。
 午餐食三文治同布丁，布丁專家Celine話呢個牌子o既布丁好好味。
放學後去Kelly屋企聚會，大家踩單車去買野，我地冇單車o既唯有坐單車尾，曉婷話我坐左上去之後冇重到，即係我都唔係好肥啫
Kelly屋企好大呀，比我地間房仲大，的確係聚會好地點！！其實今日個聚會可以話係家政班，因為Thomas教我地整薯仔沙律∼
 天馳同學好用心批薯仔，佢話黎日本之前完全唔識整野食嫁！！
 曉婷响到做監工？！  有人偷懶唔幫手！！
 Thomas好好刀法！！  全部差唔多大細嫁
 將薯仔變成薯蓉  Judy將所有材料撈埋
 薯仔沙律製成品，完全係餐廳食到o既味道，好好味！！
 天馳同學學切菜，好危險，大家都唔敢行埋去！
 牛肉一盒唔洗300YEN，好平！ 如果宿舍附近超市買野係咁平就好啦
  Kelly廚藝好利害呀！
 炒麵  牛肉，好味過吉野家！
 開餐啦∼
  哈哈，我地完全唔理其他人感受∼
 大家一齊飲啤酒啦  仲有紅酒白酒威士忌
 呢張係旭同學最後一張清醒o既相，之後佢飲左大半支威士忌，最後......
 跟馬桶做朋友！佢霸住個廁所，攪到我地要去人地屋企借廁所= ="
  醉到不醒人事，任人影，哈哈
 有個閣樓仔，日日擒上擒落當做運動，唔怪之得Kelly咁瘦啦∼
 香港人合照  好HIGH地跳舞
 大廚Thomas面前我就唔敢幫手煮野食啦，獻醜咩！唯有幫手洗野。(其實只係幫手"吱"洗潔精^^)
 即使旭同學醉左，大合照都會預埋佢
 再來一張扮鬼臉
玩到10點幾先走，11點幾先返到宿舍。我地仲以為Kelly冇醉，佢仲送我地去車站搭車，點知佢第二日話冇印象自己跳過舞@@"
旭同學同天馳同學因飲醉了所以响Kelly家留宿，仲以為係Kelly照顧佢地兩個，原來三個都係醉貓，哈哈∼ |
午餐 
下午茶M記蘋果批
一打開郵箱就見到張卡，好開心呀^3^ 不過有人寫錯我個名，唔該罰抄100次∼
晚餐好豐富∼
好耐冇食過麵包，正確黎講係好耐冇食過早餐先啱 = ="""
咖喱意粉，好辣。。。而且呢個配搭怪怪地∼
我進步左呀！（定係傻左？！）我竟然覺得d魚好好味@@"
有菜／肉／菇，Hilda Mama放心，我食得好健康∼
Lucky
河馬仔，豆豆羊
YEAH∼∼
今日第二次去USJ玩！再去多一次我張年票就歸本啦！！今次有10個人一齊去，人多果然開心d ^^
下次一定要再玩過山車∼
哈哈，顯得我個頭好細^^"
Hello Kitty = =""
午餐又貴又唔好味＞O＜ 我覺得仲差過M記！
終於都响USJ買左隻杯，以後有杯用啦！好靚呀∼ 1,100 YEN真係好抵
