６月１１日，星期五

　連續兩日有麵包食，YEAH ^3^

今日奧村老師上堂時講開細面，佢話我同Ruby塊面都好細，哈哈∼其實平時好多人都話我塊面或者個頭好細，不過我又唔覺wor

我照鏡時覺得我塊面好闊！！佢地話我塊面唔可以再瘦落去，如果唔係對眼就會好大好大好大。。。。係勁大勁大勁大。。。。。

　我間唔中先食下三文治，但Joan已經食左兩個月三文治

返學好有明星感覺呀！！食lunch時我面向門口坐，一見到識o既人行過就會揮手點頭打招呼，其實有好多都唔知叫乜名，

不過日日見面認得就打招呼∼　放學又會同人揮手講bye bye，好似明星咁不停同兩邊o既同人揮手，哈哈∼

今日隔離班o既高同學行過，我同佢揮手，跟住佢隔離個同學又同我揮手，其實我唔識佢嫁，連唔識o既都亂揮手打招呼= =""

　唔知食完會生幾多粒暗瘡呢＞＜＂

今日世界盃開鑼啦！！大家有冇睇呢？？由於我間房冇電視，之前買o既TV BOX又裝唔到，唯有用d網上程式黎睇電視

　個畫面細到.....究竟個波响邊？！＠＠＂

之後同Ponchi Papa一齊上網搵有冇第二個程式睇得清楚d，因為屋企冇有線或高清台，佢都冇得睇呢，哈哈∼

　第二個程式清楚少少，好過冇得睇啦

就係咁，我同Ponchi Papa一邊msn開眼仔，一邊睇完場波！哈哈∼∼　咁算唔算一齊睇波呢？？

　只要朝早有麵包食，我就覺得果一日係幸運日！！

介紹下黎緊７月８日同７月９日（星期四，五），兩日一夜o既研修旅行先∼　呢個係學校攪o既旅行，真係齋去旅行，

之後唔洗寫報告或做功課o既（諗起YMCA個台灣旅行團，辛苦到死！）旅費每個人 10,000 YEN，包食宿同車錢∼

　住o既酒店，好似好靚咁

　仲有得浸溫泉tim∼

　學校一定唔會咁豪安排我地食呢d，得個睇字，哈哈∼

其實成個行程都幾無聊，我諗搭車都佔左大部份時間，不過最重要係一大班人一齊去玩，無論去邊到都玩得開心啦！！

　食完唔夠飽，終於走左去便利店買雪條食，嘻嘻^^"

　文同學新髮型，好大個Ｘ呀！老師問佢幾時响另外果邊整個Ｏ，哈哈∼

奧村老師派返尋日份突擊測驗，竟然合格@O@"　不過緊係啱啱好啦∼　唔得！我要努力d溫書！費事下次唔合格咁樣衰＞＜

其實今日好攰，返到黎應該訓晏覺！不過為左寫信俾KK同大隻Mike，最終冇訓到，我好俾心機寫嫁，聽日就寄俾你地^3^

　右上角果舊個味好似蝦餃，d粉就似瀨粉，不過好辣！

　一食西瓜就諗起澄澄！澄澄：食西瓜要lur"骨".........聽得明嗎？叫你lur"核"呀！！哈哈∼

食完晚飯去左超市入貨，當做運動！之後又洗衫，long衫，吸塵。眨下眼，晚餐又消化晒，好想食宵夜呀

日文好煩呀！！同一個動詞都有分＜自動詞＞同＜他動詞＞，雖然漢字一樣，但寫法同用法都唔同∼要好似英文咁慢慢背左佢！

不過我仲未背晒奧村老師今日就黎個突擊測驗　唔識做點算？！唯有亂寫落去，响到自創日文，唔知老師見到會有咩反應。。。

　午餐食太飽，攪到下晝上堂想瞌眼訓∼

蔭山老師堂要作句，我同天馳同學一組。內容係話結婚前，男應承女以後會講或做d乜，結婚3年同30年後又變成點，

好彩抽唔中我地果組，因為天馳同學作結婚後會每日講＜你係我最愛的ｂａｂｙ＞，仲要當住全班講，諗起都起晒雞皮，哈哈

唔知仲乜今日好攰，放學返到黎下午茶都冇食到就訓覺，訓四個小時晏覺會唔會太離譜？

　晚餐食咖喱同好似草o既菜，嘻嘻∼

11點幾時強強打電話黎，佢話電視報10點幾時奈良地震，問我feel唔feel到......果時我應該沖緊涼，完全冇感覺，係咪真係有地震嫁？！