各位早晨！！香港時間6:41AM，夠鐘起身返工啦∼

我諗屋企只有Hilda Mama未起身吧，嘻嘻^^"

由於天氣唔好..USJ之旅要取消了..失望= =

要化悲憤為食量..而家落去食早餐..BYE∼

放假真係好，可以訓到12點幾先起身，不過呢d生活只可以過埋今個星期，下星期開始又要溫下書啦！

　又煮左四個人o既份量，但一個人食晒，哈哈 ^^"

今晚阿根廷對韓國好緊張呢，由於開波前唔肚餓，完場先落去食飯又太晏，所以完半場衝落去食飯。

　唔係好多野食，真係可以15分鐘內食完！

不過後來我見食堂有得播，所以唔洗食得咁急，食得快唔健康呀！不過都比平時快嫁啦，半個鐘就食完！估唔到阿根廷會贏4比1咁多！

本來冇諗住睇希臘對尼日利亞，不過睇睇下又幾緊張wor∼尼日利亞三十分鐘就打少個@@""　呢篇日記就係一路睇波一路打嫁啦∼

６月１６日，星期三

端午節快樂，大家有冇食粽呢？？我好想食粽，好想去睇龍舟呀！！唉，冇得食粽，唯有對住張＜粽相＞望梅止渴啦，嘻嘻∼

講開食粽，大家食咸肉粽時係點糖定係豉油嫁呢？話說有次同BU同學仔去飲茶時叫粽食，我地叫個阿姐唔好倒d豉油落隻粽到，

因為我地有d人鍾意點糖，點知有個人話：＜邊有人食粽點糖咁怪嫁？！＞ 咩事呀？！ 食粽點WASABI或者薑蓉就話怪啫！！

點糖都俾人話怪= ="""　我真係唔記得呢句說話係邊個講，不過我諗都係K哥或者阿Frank講多嫁啦，嘻嘻，有冇人記得呀？？

仲記得有一次飲茶，大家好白痴咁响到拗，究竟擂沙湯丸係咩野樣！？　我就話好似普通湯丸，不過出面有d粉，入面係黑芝麻！

但有人話擂沙湯丸出面係一粒粒芝麻，入面係冇野o既。乜呢個唔係叫煎堆咩？？大家認識o既擂沙湯丸係點樣嫁？

　午餐食麵，不過唔係公仔麵，即時覺得健康左100倍！！

冇電視唯有用TVUPlayer睇波，不過畫面會慢一分鐘！！Kaku嗌完隔左一分鐘我先明白佢响到嗌乜，哈哈∼唔知仲以為我反應遲鈍！