７月１３日，星期二

哈哈，又訓過龍唔知醒返學，去到車站搭唔到8:23AM班車，要搭29分果班，好彩班車冇遲，返到學校仲有三分鐘時間剩，LUCKY

大西老師話我地讀課文讀得唔夠感情，冇計啦，我地又唔係讀戲劇。老師叫天馳同學讀課文，佢模仿我把聲，扮得一d都唔似呀！！

　個個都話我碗麵好細，擔心我食得唔夠飽

早幾日剩左d菜，再唔食就變壞，所以決定聽日自備午餐！！為左煮午餐放棄訓晏覺o既時間，我覺得自己好偉大呀，呵呵∼

**夜晚又開唔日記，都唔知係個日記網有問題丫，定係我呢到上網有問題！！**

終於黎到世界盃最後一場，之前d比賽都睇，冠軍戰冇理由唔睇嫁啫，而且四年先一次，第二朝要返學都唔理得咁多！！

同Thomas去左Kaku房睇，初時大家一邊食零食一邊金精火眼望實部電視，後來完左上半場，我真係有d衝動想訓覺唔睇，

因為場波的確有d悶。下半埸同上半場一樣咁悶，大家開始眼訓兼有怨氣，點知仲要踢埋加時，終於攪到6:00AM先散場。

明明冠軍戰應該好緊張刺激先係嫁ma，點解可以悶到咁？！現場觀眾悶到呆晒　八爪魚阿Paul好勁呀，估中晒∼

訓左個半鐘就起身返學，覺得個人行步路都飄飄下。上堂當然去左遊魂啦，當魂魄返黎o既時候，發覺蔭山老師已經開始講緊書，

不過...我連書都未拎出黎law，哈哈　我諗我今日返學講o既野唔超過20句，係攰到連講野o既力都冇，一有時間就訓覺。

　午餐，第一次食，幾好味bor

放學返黎下午茶都唔食就訓覺，由4:00PM訓到9:00PM，訓醒即時醒神晒。世界盃完左，睇黎我要調教返個生理時鐘，早d訓先得！

　唔好咁多煎炸野得唔得？！呢排唔夠訓生左好多粒暗瘡呀 T_T

星期五去完研修旅行返黎好攰，７點幾就落去食晚飯，諗住洗埋堆衫後就早d訓覺∼

食晚餐o既時候撞到Joey同Ruby，佢地邀請我夜d去玩，本來我好攰嫁啦，不過玩果樣野好吸引，所以忍唔住去玩左陣∼∼

　果樣野就係麻雀啦∼∼只係聯誼下啫，唔計錢o既！！

麻雀呢家野緊係要有聲先過癮嫁ma，所以我地照大大力洗牌 ^O^　我玩到11點幾就走人，趕住返房開眼仔∼

幫所長上網訂酒店，我d日文係有限公司黎嫁，幾驚攪唔掂＞＜　好彩最後都BOOK到，真係一額汗

７月１０日，星期六

患左研修旅行後遺症，全日都好攰唔願郁，淨係响房到煲劇，好彩仲有個杯麵頂下肚，唔出街買野煮都得。

　食完晚餐差唔多9:00PM先去超市買定聽日煮o既野

７月１１日，星期日

季軍戰德烏拉圭對德國，我覺得烏拉圭踢得唔錯，可惜最後2比3輸左！又睇到天光先訓覺，訓到1:30PM Celine send mail俾我先醒∼

　Celine煲左好多珍珠，所以每人分d，台灣女生真係勁，乜都帶過黎日本∼

　我唔飲奶茶，所以整珍珠咖啡，好味！！　唯一失敗之處就係冇粗飲管

估唔到黎到日本有機會打麻雀，仲要係大大隻甩到牌果d！！而且又有珍珠食，仲以為自己返左香港tim呀！！哈哈∼

鍾氏家族又有聚會，仲專登俾隻雞我影張相，等我第日考試合格，要劏雞還神時有雞用！

神呀∼∼∼　鍾記出品，必屬靚雞，慢慢品嚐。