派對進行中

早兩日先發好夢，今日發惡夢，仲要打孖黎發兩個惡夢　正常訓醒之後就會唔記得自己發過乜野夢，不過我成日都記得∼

第一個惡夢係關於搭電梯，明明電梯顯示到左二樓，點知一開門係二十四樓，仲要係陰森恐怖，好似拍緊鬼片咁。

轉搭第二部電梯，又係顯示二樓，但打開門變左二十六樓，最恐怖係明明果到最高得二十四樓，都唔知搭電梯搭左去邊啦！！

諗住行樓梯落二樓，點知行極都係二十四樓，後來後面有鬼追住黎，跑呀跑，終於跑到落二樓，仲見到個小學同學個阿哥。

其實我淨係知佢阿哥個名，並唔知係咩野樣！但唔知點解响夢入面，一見到果個人就認定佢係我小學同學個阿哥，超奇怪∼

發完個咁o既夢，攪到我今日搭電梯時都有d驚驚地＠＠"　就好似當年睇完＜見鬼＞後，個個都驚搭電梯同行後樓梯咁，哈哈！！

第二個夢仲恐怖，個場景係而家住緊間房。夢見有鬼搵上門，仲想衝入黎我間房。後黎我想轉房，有個YMCA o既同學阻止我，

仲話幫我攪轉房o既係鬼黎嫁，會話俾其他鬼聽我轉左去邊間房。唯一最安全o既就係搬去YMCA住，之後我就執行李跳窗走 = ="""

其實我同果個同學唔熟嫁，而且都好耐冇見，都唔知點解佢會出現响我個夢入面，有冇人識得解夢呀＞＜

唔知發生乜事，連續兩個夢都係關於鬼，响夢入面真係好鬼驚嫁！！　一日發兩個惡夢，真係人都癲

今日係Celine生日，我地聽晚會同佢食飯慶祝，而佢就請我地食蛋糕，竟然由生日果個請食蛋糕。。。

　朱古力蛋糕，實在太好味啦

由於天氣太熱，所以個人都特別懶唔想出街，响房呆左幾日，今日終於捨得出街啦！其實都只係去附近超市買日用品∼

　迷你杯麵。咁細杯，兩啖就食晒，邊夠飽呀 =O=

真係貴人出門招風雨，買完野出黎落超大雨，仲行雷閃電tim　見等左幾個字都好似冇細雨到，唯有買把遮啦！

　响百元店買，吹爛左都唔心痛！！

見廁所個抽氣扇舖晒塵，今日終於忍唔住要出手清潔，黎緊目標係洗冷氣機個隔塵網，不過其實我唔識點拆出黎，哈哈∼∼

　尋晚晚餐食豬扒，好好味

　今晚晚餐好奇怪，我覺得樣樣野都冇味∼