久違了的早餐...今日終於有時間慢慢食 ^^"

Celine又8:00AM先落黎食早餐，見佢咁寂寞就搭遲一班車陪佢一齊食啦！點知23分班車取消左，要等到29分先有車，好彩冇遲到。

今日教左個文法，＜動詞＋そうです＞，意思係＜好似就黎發生某個動作＞，老師舉個例，支筆响枱邊就跌，＜落ちそうです＞

不過我地覺得呢個例子唔夠清楚，以下例子清楚d：＜死にそうです＞，意思係＜好似就死＞，哈哈，我諗係香港人都會即時明白晒！！

　午餐同隔離班o既高同學出左去食，早幾日慳落o既錢，用左响呢餐身上><

放學同Susie有特別任務，就係去揀蛋糕，不過今日我地只係去睇，聽日先買！行左個幾鐘，仲有得試食蛋糕tim，超級滿足∼

返到黎即刻沖涼洗頭！！今日發生左一件好恐怖o既事！！阿Tom無啦啦摸我d頭髮，仲話：＜你條"邊"幾好玩wor...＞，嚇到我彈起！

乜事呀？！家陣同你好熟咩？！唔好見其他人可以掂我d頭髮就以為自己都可以，我淨係覺得你好變態law，超反感呀∼∼∼＠＠

因為冇訓晏覺冇食下午茶，所以未夠8:00PM就超肚餓。

趁有時間翻睇左一次＜無間道＞，真係好好睇！不過我冇睇過第二同第三，有冇人可以話我聽第二第三好唔好睇？

睇黎我要張隻雞o既相當做wallpaper，日日拜下佢先得！今日份測驗卷......我尋晚真係有溫書嫁！！不過冇乜信心合格 = =""

尋日我講話保險要交 10,200 YEN，後來問其他同學，個個都話唔洗交咁貴。放學後去左市役所問，原來佢冇當我係學生，過份！！

其他人今次交 5,800 YEN，之後每個月交 2,000 YEN，我之後每個月竟然要交 8,000 YEN，真係心血少d都俾佢嚇親∼∼＠＠

明明拎左張學生證之後有去補返d資料嫁ma，咁都唔當我係學生。佢話8月中會再寄過信黎叫我交錢，到時我應該有錢啦掛。

至於電話費，佢話淨係今個月先要俾3千幾YEN，之後就唔洗俾咁多，都唔知點計！好彩有Kaku幫我地做翻譯，真係要感動到喊

　今日冇食早餐，午餐又唔記得影，所以淨係得晚餐

終於煲晒＜談情說案＞，比＜飛女正傳＞好睇好多！我怕我廣東話退步呀，所以要keep住睇劇！！下一套睇咩野好？

今日遲大到！！不過唔係唔知醒，係因為落勁大雨，d車全部延遲啫！平時搭開班車遲左10分鐘先到站，之後又開得勁慢∼∼

係慢得超離譜！！平時搭廿幾分鐘就去到天王寺，今日搭左一個鐘，返到學校已經9:40AM，第一節課都差唔多完咁滯 =O=""

後來問阿Tom，佢搭7:40AM班車，但9:03AM先返到學校。總括黎講，今日好多人遲到，而我地住奈良o既，應該全部人都遲到吧！

　午餐，豬肉金菇炒椰菜，好似唔係好夠顏色∼

哎吔，真係越窮越見鬼！！保險費要交10,200 YEN，電話費又要交三千幾YEN。唉∼∼睇黎我去韓國之前都冇好日子過＞＜

　以後晚餐要夜d食，咁半夜就唔會肚餓啦！！