呢排慣左夜訓睇波，所以尋晚想早d訓都唔得，諗住聽下音樂會快d訓著，點知都係碌左成個鐘，今日超眼訓唔願起身！！
準時10:00AM就到USJ，等左佢地半個鐘，原來天馳同學唔記得帶張年票要返轉頭拎，唔明點解其他人要等埋佢先黎，玩住等都得啫！
 天公造美，今日好好天，而且閒日真係好少人呀！ＧＯＯＤ ^O^
次次Space Fantasy都要排個幾鐘，今日排10分鐘就有得玩，所以玩左兩次！第二次玩時，响中間突然停低，唔係一氣玩完即時唔好玩。
玩完出黎就見到寫住Space Fantasy暫停開放，唔知係咪俾我地整壞左呢，哈哈∼ 呢個真係好玩，極力向大家推薦！！
過山車直頭唔洗排隊，一去到就上車，又玩左兩次！坐側面真係好玩好多，因為可以睇到風景！不過暫停未坐過第一排呢∼∼
大家知道海洋公園o既越礦飛車坐邊到最好玩嗎？答案係最後一排！因為佢最前面係一個火車頭，由於有重量所以前面係冇咁拋o既！！
係我以前返海洋公園part time時大家姐講嫁，我試過又好似真係，大家下次去海洋公園記住試下再話我聽係咪真∼
 午餐食中菜，天馳同學劣評！佢話我第日去揚州搵佢的話，佢煮d正宗o既俾我食∼
 變臉表演，由於我响四川睇過d正宗o既表演，所以覺得佢好"流"呀，哈哈！
大家覺得蜘蛛俠好好玩，仲玩左兩次，不過我玩一次已經夠，開始有點悶！而且我好怕睇３Ｄ，响到郁黎郁去，睇得耐我會覺得頭暈。
 睇show時遇到個好可愛o既小朋友。佢本來同爸爸坐樓梯另一邊，之後佢無啦啦走過黎坐响我隔離，
仲同我搭訕@@" 睇睇下show佢走返過爸爸到......原來係拎餅乾同水，跟住又坐返响我隔離！最攪笑係佢將手裡o既垃圾俾我，哈哈∼
唔知仲以為係我個女 完show後佢同我bye bye，然後過返去爸爸到，佢爸爸係咁唔該我幫佢照顧個女.......超好笑
 第一次玩大白鯊，好彩唔係坐側面，如果唔係會濕晒∼∼
有一個遊戲係兩個人一齊坐橡皮艇滑落去，唔知點解我同葉同學冇濕到，但其他人濕得好厲害，我諗有人連底褲都濕埋，哈哈！
 唱歌很好聽，跳舞也不錯，我見到佢地有fans嫁，唔知係咪職業fans呢∼
 超攰，同葉同學周圍坐！！玩到５點幾就走人
自拍高手Susie唔响到所以冇影到集體相！今日有葉同學，Yumi，Iku，天馳同學，旭同學，文同學，Iku的三個朋友。
 返到宿舍第一時間沖涼，之後食飯，打日記！ 今晚......應該訓覺唔睇波啦∼
 大家幫我做證，我打日記呢一刻個匯率係１日元兌０.０８５８８港元
今日我幫阿Frank買左 3,550YEN，兌返即係HKD 304.874！！ Natasha有禮物收真幸福，等多等，8月就收到嫁啦！！ |
希望黎緊９月o既考試可以超越１００分啦，努力加油 ^3^
期待左成日，點知晚餐係...............
