唔知係咪放假訓得太多，訓到個人冇晒胃口，基本上一日24小時都冇乜肚餓感覺！淨係想睇波同訓覺，完全唔想落街∼

　尋晚晚餐，煮完都冇胃口食 =O=

夜晚又通宵睇巴西對科特迪瓦，見到Kaka被紅牌趕出場一刻，即時諗起大佬朱！因為佢好鍾意Kaka，唔知佢有冇癲左線呢，哈哈！

發左個同Hilda Mama有少少關係o既夢！夢見我想去中大搵佢，搭校巴時諗極都諗唔到邊個站落車，所以拎個電話出黎打俾Hilda Mama

就响呢個時候，一首熟識o既音樂響起，原來係現實生活中電話響，就係咁個夢發完啦！始終都見唔到Hilda Mama。。。。

明明見到係Yumi打電話黎，但個腦完全load唔到要聽電話，淨係望住部電話响到諗Yumi打俾我仲咩呢？！訓到矇左@@"

　午餐食芝士撈丁，不過今次一般好味，下次再接再厲！

放假唔出去玩真係有d無聊，悶到6點幾去食堂陪Susie食飯，之後吸下塵，浸下浴。等到8:30PM終於有波睇∼

葡萄牙對北韓，北韓好慘呀，食左七隻蛋！！實力差太遠冇計∼聽講北韓d球員踢得差返去要做礦工，唔知真定假呢∼

　雖然我係牛魔王，但連食三餐牛，都有d頂唔順.......

悶左咁多日，聽日終於有隊約去玩啦，去邊？！咪又係去USJ law，嘻嘻^^"　今晚唔睇第三場波啦，雖然好想睇。。。。。。

Ponchi Papa父親節快樂

唔可以咁偏心，要祝埋天下所有爸爸父親節快樂 ^^

放假放到傻左！！完全唔記得尋日係星期六，要9:30PM前入去食晚餐，如果唔係就冇得食！睇完半場荷蘭對日本即刻衝落去食飯。

　坐正响電視前面，睇住荷蘭入波

放棄睇波選擇睇＜愛情萬歲＞，普普通通o既一套愛情片！睇完啱啱好睇下半場，不過諗住早d訓覺所以冇睇。

所謂o既早d訓真係得個諗字，平時好好訓o既我竟然失眠訓唔著，眼仔碌碌等天光。。。。都唔知碌到幾點先訓得著啦！！

訓到今日4:00PM先起身，整左兩件三文治食，幾經辛苦，袋過期麵包淨返一塊，哈哈∼　今日冇乜心情，連電腦都唔想玩∼

正確黎講淨係想訓响床到乜都唔做，結果又由6:00PM訓到8:00PM @@"　訓左咁多個鐘，今晚睇巴西絕對冇問題∼

　Celine同男朋友玩完返黎啦！成個星期冇見，好掛住你喔^O^　仲有朱古力甜甜圈手信！

佢話見我成日用髮型屋d宣傳單張做書籤，所以送兩張書籤俾我，哈哈，多謝　

請大家去６月１４日篇日記到睇下∼

果日提到久保老師派返黎o既測驗卷，全班平均分係８０分。

有日同Susie傾計時先發現原來我聽錯左，全班平均分係７２分先啱！

雖然合格，但我一路都耿耿於懷成績高唔過全班平均分。

原來虛驚一場 ^^"　要繼續努力，嘻嘻