請大家去睇返7月15號o既日記，有關交保險費果到。佢第一期要我交 10,200YEN，第二期開始交 8,000YEN，個數錯左，貴到離晒譜。
後來同佢講左我係學生之後，佢話更正左之後會寄過份新o既俾我，大約8月中會收到，終於我去完韓國返黎就收到份野。
不過好奇怪，我d同學第一期交 5,800YEN，第二期開始交 2,000YEN；而我第一期要交 10,200YEN，之後每期交 1,000YEN。
我見大家個總數大家都係 19,800YEN，所以冇理佢。其實第一期錢要响8月2號前交，第二期錢要响8月31號前交，
我收到呢份更正版時已經過左8月2號，所以我諗住交第二期錢時交埋第一期錢，即係8月31號前去交就冇問題！
點知今日竟然收到張罰款通知，話我因為遲左交第一期錢所以要罰 50YEN，雖然 50YEN只係HKD$ 4.5，但唔係錢多少o既問題，
成件事好明顯係佢地攪錯左，而家仲要罰我錢，係咪講唔通先，我緊係死都唔肯俾，走去用d超爛o既日文同佢理論！！
個職員o既意思＞＞第一期錢 10,200YEN 冇計錯到，只係第二期錢開始先計錯，所以我應該响8月2號之前交第一期錢。
如果未收到張罰款通知都仲可以唔洗交，但而家收到就要俾罰款。
我o既意思＞＞我第一期錢同其他人唔同，我以為計錯，而且個職員話8月中會收到更正版，我緊係收到先黎俾錢啦。
我點知你第一期錢冇計錯！更正版o既第一期錢繼續寫8月2號前交，我8月中先收到，我咪以為交第二期錢時交埋就OK。
如果你寫到明8月25號前唔交o既話要罰錢，我實早d去交！！
我唔知個職員明唔明我意思啦，但最後我都唔洗俾罰款，可能係個職員廢事再煩，見 50YEN咁少就幫我俾左佢，哈哈。
堅持到底就是勝利！！！ 咁真係唔係我o既問題ma，就算言語不通雞同鴨講我都要同佢理論！！
戰戰兢兢又過一關，尋日派回第16課測驗卷，本來都驚唔合格，因為篇閱讀理解好難，點知都有75分，比班平均分69分高少少咁啦∼
好似次次都係僥倖過關咁，幾時先有一次好有信心合格呢？？我諗冇乜可能發生，哈哈∼
 尋日午餐同Leslie，Ruby，阿水去食烏冬
 尋晚晚餐食意粉，我都係覺得意粉配茄汁或白汁好味d
 今日午餐食炸雞，開始作病都冇戒口 ＝O＝
   今晩晩餐
 買左但冇送出o既生日小蛋糕，唯有自己食左佢，哈∼ |
