９月２６日，星期日

星期日，相信大家都訓到好晏，我9:00AM就起身啦！哈哈，全靠Susie morning call，如果唔係點會起到身丫∼

　搭JR再轉地下鐵，用左一個多小時黎到＜太子橋今市＞站

　文園町７－９　 　外觀好日本風呀！

　呢到就係Leslie屋企啦∼

　裡面真係好日本風，訓TATAMI，坐地下！

　突擊檢查！！！估唔到咁整齊＠O＠　肯定係知道我地黎所以執左成日屋∼

　個廚房都算唔錯！！起碼好過我地房果個迷你廚房，連切野o既位置都冇，成日切到跌晒落地...

我地當然唔會兩手空空咁去人地屋企咁失禮啦∼本來諗住買蛋糕，不過未開門 = ="　唔緊要，呢個都好好味

　午餐食M記，附近有間24小時M記真係好！！

　100YEN 炸雞

　哈哈哈，佢地個樣好為食呀！！

之後都係傾下計，玩下電腦，睇下電視。咁啱電視有個節目教敬語，我地將教科書冇教o既即時抄低，果然係好學生！ ^^

　晚餐由劉大廚操刀！第二日唔洗返學，食左肚痛都唔怕，哈哈∼

　靜靜雞偷師∼我見佢落左豉油，糖，鹽，胡椒粉，辣粉......其他唔記得

　意粉／炒麵，好好味∼

９月２７日，星期一

俾人虐打呀，嗚嗚　講笑啫！！發現隻手瘀左，仲要兩隻手都有！其實我都唔清楚幾時整親

唔通俾鬼＜meet＞？！　哈哈，我諗係我唔受力，同學捉住我手時太大力所以整瘀左啫！不過......真係有d痛＞＜

食晚飯時撞到Aki，９月頭佢生日唔記得send mail俾佢，我生日佢又冇send mail俾我，不過其實大家都記得對方生日，

今日見到面大家都補返句生日快樂俾對方　Aki 19歲咋，真係超後生！不過...我都係13歲之ma（十年前＝＝"）哈哈哈∼

搭電梯時又撞到同我打招呼果個日本男仔，佢今次醒目左啦，用英文HELLO同我打招呼，哈哈∼（詳情請睇返９月９日篇日記）

出電梯後Aki問我係咪識o既，我話唔識，佢即時嚇左一跳　其實都唔可以話唔識，香港人會將呢類人稱為HI-BYE friend

不過萬一我答識，Aki問我果個人叫咩名，我話唔知咁咪仲怪！！大家多唔多HI-BYE friend呢？！我都幾多呢類朋友！！

　Aki趁我影相時偷食＞＜　佢仲教我呢種魚叫鯖魚(SABA)　

　明明係我拎住隻杯，Aki唔影我淨係影隻杯！影到矇晒仲話係信心之作，幫我轉埋做wallpaper

飯後Aki黎我房睇加藤成亮海報，佢讚Shige對眼，果然大眼睛最得人鍾意　佢仲讚我間房整齊，個個入親黎o既都一定講呢句，哈∼

中秋節已經過左三日，不過我今日先見到個月亮，哈哈∼　今次真係＜追...追...追...月＞啦∼

　晚餐除左塊雞扒好味之外，其他都係...

哎吔！！！晚餐又食唔飽！！！連續兩晚半夜三更食月餅，哈哈∼∼咁食法，點會唔肥丫！！

嗚嗚∼∼∼∼　話咁快Celine Baby就走啦，好唔捨得呀！！希望遲d有機會再見！！我去台灣的話一定會去搵你

　專登7:30AM起身同Celine食早餐 ^^

　行李超重，好彩佢先同男友去東京玩幾日，再一齊返台灣，咁就唔洗自己拎行李啦∼

　因為我張定期劵過左期，所以送到去王寺車站就分手＞＜

返到宿舍又唔想即刻訓覺，所以上下網，同大表姐吹水吹到11:00AM繼續訓覺！今日天氣涼左好多，香港開始秋涼未呀？？

夜晚好攪笑，Kaku打黎問我借錢，因為聽日係週末提款要收手續費，佢想拎錢時又過左7:00PM，平日過左7:00PM都要收手續費。

俾佢講一講我先知原來今日係星期五，放假放到乜都唔知∼　死啦！！　打開銀包一張紙幣都冇，得返d散銀........

星期日仲可能出街tim，即係唔拎錢唔得∼　我同Kaku講不如佢去提款，拎多 10,000YEN 借俾我，手續費大家share一人一半！

哈哈，笑死我！！明明係佢打黎問我借錢，但最後竟然倒返轉借錢俾我　不過佢話拎錢時部機冇寫要手續費，真係咁好？！

可能自動响個戶口到扣呢，到時唔好問我拎返錢，我實唔認數嫁！！

　晚餐唔夠飽，半夜1:00AM食月餅，真係超過份！！