今日係公眾假期－體育之日，所以唔洗返學。體育之日係咪要我地做下運動呢？我吸左塵算唔算做左運動？？

　Susie煲o既愛心綠豆湯

　Thomas介紹o既烏冬，真係比普通o既烏冬好味d！！

　煎雞時分一分左心，結果.........哈哈∼都唔算好黑啫！

今日冇乜特別野講，唯有post段片俾大家睇下！段片係介紹日本菓子ひよ子 o既制作方法，當然大家都要留意個主持－加藤成亮

１０月１０日，星期日

尋晚臨訓前執好晒d筆記，而家個書櫃超整齊　不過唔知可以keep到幾耐啦！！可能下個星期就亂返晒，哈哈∼

　午餐，d雞我用李錦記o既照燒雞翼醬醃過嫁∼

　晚餐食烏冬，自從俾人話似蟲蟲後都好少煮黎食＞＜

10:00PM電話突然響起，Kaku打黎話開枱，估唔到成班香港人都係咁爛賭嫁！！今次去Ruby間房打，間房超旺Kaku，

條友仔不停食糊，自摸小四喜都食到，最終佢一家贏三家，我輸左480YEN，總好過阿Tom清晒個兜.......

我地個個都認定呢個肯定係個騙局黎o既，下次Kaku約打牌大家要三思呀∼∼∼　＞O＜

最開心係Thomas煲左腐竹雞蛋糖水，好耐冇飲過啦。Hilda Mama不如叫希拉利拎d叮叮糖水俾我丫！！！

打到1點幾完場，本來想即時打日記將呢個騙子o既惡行話俾大家聽，咁啱有一個幾年冇傾過計o既中學同學响facebook搵我

就係咁大家傾到3:00AM先訓，所以冇打到日記。講開呢個中學同學，佢話而家鍾意KAT-TUN（都係Johnnys o既組合），

仲覺得山下智久好靚仔，我覺得好奇怪，以前中學時都唔聽見佢講話鍾意日本明星，佢話係畢左業後睇日劇先開始鍾意明星，

仲開始學日文，飛黎日本睇演唱會。如果佢早d開始鍾意，我地中學時一定好多話題傾！　哈哈∼∼∼對於靚仔，真係好難抗拒

而家o既寮長寮母真係好好人！！星期六早餐食到10:00AM，不過9:30AM之前就要入去食。高同學9:30AM先打黎叫我食早餐，

我9:55AM去到飯堂寮母都俾我食早餐^^"　之後有三個女仔仲遲過我入去，寮母都俾佢地食，仲拎麵包俾佢地tim，超好人∼

　一早爬起身就係為左食呢兩塊炸火腿＝＝＂

　晚餐

今日董事長擺壽宴，董事長生日快樂∼∼　生日卡到左董事長手！日本買生日卡真係好貴，打一場麻雀贏o既錢都唔夠買，

睇黎我要打多幾場麻雀先得！！真係好殘忍呀＞O＜　開眼仔睇住大家大魚大肉，攪到我流晒口水，好想食呀