１月１８日，星期二

尋日真係太攰，一覺訓到大天光感覺真好！　不過發現左一樣野！無論夜晚幾點訓覺，朝早都係唔願起身o既，哈哈∼∼

同學真係超怕凍，開暖氣竟然開到２７度＠＠＂　攪到個班房超焗，我幾乎要著短袖衫返學，定係著小背心好呢？

　午餐有鹵水雞，鹵水蛋，菜同飯，好健康呀！！

聽日去小學同小五生交流，我諗住教佢地講廣東話，好彩我部電子辭典有教，仲有埋拼音tim，唔洗自己諗點拼。^^

１月１９日，星期三

下午o既選修科係＜地域交流＞，去常盤小學同小五生交流，大家去到學校門口已經超緊張！！第一次覺得小學生好恐怖＞＜

一入到學校門口就見到超多學生拎住畫紙歡迎我地，畫紙上面寫住大家o既名同歡迎o既說話　大家搵返拎住自己個名o既小學生，

之後佢地就帶我去班房，仲有一個泰國男仔，韓國女仔同我去同一班！！初時奧村老師話同小學生自我介紹之後會分開三組，

每人輪流同十幾個小學生傾計，我諗住用部MP4 show d香港o既相俾佢地睇，所以冇印出黎。點知原來個模式唔係咁！！

完全冇分到組，自我介紹之後d學生不停舉手問我地問題，但d問題唔係關於我地個國家嫁bor，只係問d個人問題＝＝＂

就係咁問左成堂，最後我都係冇俾到d相大家睇，可惜可惜∼　覺得一次交流好失敗，都冇介紹到香港俾大家認識∼

　朱古力窩夫／忌廉芝士味窩夫

由於交流失敗，心情麻麻，好想好想食甜野，所以買左個朱古力窩夫食

＜披住羊皮o既狼＞相信大家聽得多！！唔知大家有冇聽過或者見過＜披住袋鼠毛o既樹熊＞呢？！

我今日收到一隻呀！！嘻嘻∼　又係小KK同大隻Mike响澳洲寄俾我嫁，多謝

　後面仲有磁石tim，我將佢貼左响雪櫃門，哈哈∼

我一打開信箱見到有堆毛响到嚇左一跳　睇真d先知原來係張postcard，好得意，d毛好柔軟呀！！ ^^

平時我好少買士多啤梨食，但今日一入超市聞到勁香士多啤梨味，而且做緊特價 298YEN，即時忍唔住買左盒！！

　好大粒好紅呀！！！

唔記得post俾大家睇，其實上星期六我整左鹵水雞翼，太耐冇食過啦，好感動！！

今日冇訓到晏覺，整多次鹵水雞肉做聽日午餐，仲整埋鹵水蛋tim，我好俾心機整嫁！！

由於冇訓到晏覺，而家攰到企响到都訓得著！！　未夠12:00am就覺得眼訓，超罕有！！早抖啦各位∼

１月１５日，星期六

黎左日本咁耐一直只有支出冇收入，今日終於第一次賺到錢啦！！　而且份工一d都唔辛苦，好輕鬆，好開心∼∼

原來有好多日本人好鍾意香港嫁！！我今日o既工作就係用廣東話同佢地傾計，傾 1.5小時有 1,500YEN！！

哈哈，佢地學廣東話o既原因同我學日文o既原因一樣，都係因為鍾意明星！！佢地鍾意劉德華，張國榮......

有個女仔仲啱啱去完香港睇劉德華演唱會！！亦有人好鍾意睇＜無間道＞，仲好欣賞余文樂同黃秋生。

有個男人真係鍾意得太離譜，一年去香港三四次＠＠＂每次都行深水埗黃金商場同埋旺角先達廣場，興趣係買電話

由於同我傾計o既都已經學左四五年廣東話，所以佢地d廣東話超勁，識得講成句句子，只係有少少發音唔正啫 ^^"

Gary話果到仲有好多語言學，佢都有試過用英文同普通話同人傾計　我就冇咁勁啦！！淨係用廣東話傾計先好叫我去＝＝＂

果到都有時段係同日本人用日文傾計，有機會一定要試下∼∼　不過真係齋傾計，諗到乜就講乜，毫無內容可言！！

１月１６日，星期日

今日煮米線食，諗住用濃湯寶o既魚湯黎煮味道肯定一流啦！！點知......好彩我落左半粒啫，勁腥law！！差d食唔落......

Hilda Mama叫我下次試下落三份一粒，如果都係頂唔順的話，就送俾人地wor∼∼　都話魚係我死敵黎嫁啦∼∼

夜晚煮咖喱食，唔知係咪食太多，好似食滯左咁，覺得頂住好唔舒服＝＝＂啱啱飲左杯茶，希望陣間會好d！！

冇乜野好講，post段片俾大家睇∼

第一隊表演o既＜大小姐＞真係超可愛！！

第二個男仔表演武術，冇乜特別，但背景音樂＜霍元甲＞拎我諗起飲醉酒o既張旭，哈哈∼

第三個表演o既男仔，唱歌就係好好聽 ^O^