嘩哈哈∼∼ 返左黎香港咁多日，終於捨得打日記啦！！
１２月１５日，星期三
搭10:00AM飛機返香港，真係好早，未夠6:00AM就要起身 仲要冇位坐企左一個多小時去機場！之後仲黑仔，唔見左張車飛！
好彩只係唔見左王寺去天王寺果張飛，並唔係唔見左天王寺去機場果張飛！本來要用兩張車飛出閘，唔見左一張冇左入閘紀錄。
後來我俾張車飛個職員睇，佢見張飛冇入閘紀錄，問我係咪有第二張飛，我死口都唔認，我怕佢要我補錢，最後成功出閘，YEAH∼
過海關時阿Joy排我前面，佢被人check得勁仔細，要除晒鞋同搜身，但我又唔洗咁check，佢話可能佢個樣似小偷，哈哈
 同班同學阿Joy，網上check in時調左位坐我隔離，好彩原本唔係靚仔坐我隔離，如果唔係實打佢！
 最好味係個綠茶紅豆蛋糕！！真係想叫佢俾多件我食 ^^
Ponchi Papa竟然俾我驚喜我！！明明講好左响屋企樓下個巴士站接我嫁ma，點知突然出現响機場接我機，嘻嘻
夜晚去深水埗食飯，間餐廳叫Oliver，野食唔錯，連雜誌都有介紹，大家可以去試下！！
 大蝦  焗田螺
 沙律  三文魚PIZZA，正！
  雜扒竟然有羊肉，係咪勁抵先？！
１２月１６日，星期四
 牛筋河，好耐冇見啦∼∼∼ 嘻嘻，真係超好彩，我叫完之後牛筋就售罄！！
太耐冇去街市，唔敢一個人去，要Ponchi Papa同我一齊去買餸！！不過打邊爐d食物全部都係我洗同切嫁∼
 有冇諗過搵我地做代言人？！
  打邊爐我至愛
 大家鍾唔鍾意食火龍果呢？有冇人覺得佢黑色一點點好核突？！
１２月１７日，星期五
本來約左Samuel整電腦，點知Ponchi Papa超勁，唔洗１０分鐘就將張卡拎返出黎，原來超簡單用個萬字夾就OK，
好彩冇俾幾千YEN人地賺啫！！唔洗整電腦就去左行街，第一站工展會！今年係第４５屆，但我第一次去∼
 工展小姐，大家會投幾多號呢？！我投左６號^^
 芝麻味砵仔糕，不過味道一般！  嘩，瑤柱撈飯！
大家一定要去工展會呀！！入場費$10，但入面超多野試食同試飲，記住唔好食飽先入場。就算唔買野齋試食都抵返晒！！
之後又去左Ｎ年冇去過o既動植物公園，唔知而家仲有冇學校旅行係黎動植物公園嫁呢！？凍到d動物都走晒去冬眠∼
 最後一站上左山頂睇夜景
呢幅相係响凌霄閣影嫁！係咪影得唔錯呢？！我諗好多香港人都未去過呢到，通常係遊客先會去∼
  晚餐＠翠華茶餐廳，好味∼
１２月１８日，星期六
 嘻嘻，星期六佳人有約！我所講o既佳人其實係黎氏家族∼ Javy好好笑，同Hilda Mama講好掛住我，問我幾時先返黎，
Hilda Mama專登唔出聲，仲話：係咩？！真係好掛住咩？！ 轉個頭我就靜靜雞坐响佢隔離，係咪超驚喜呢？！
飲完茶去探婆婆，婆婆肥左好多呀，飲奶粉真係好有營養！之後我同Hilda Mama，帥軒，Javy返屋企打麻雀，我贏左$8，不過冇錢收！
哈哈，四姨丈收到電話即刻唔開工趕黎食飯，四姨媽鬧佢仲乜走黎食飯，咁都唔明？！食飯係其次，主要目的係黎見下我ma∼∼
Ponchi Papa今日返工，我地即刻招呼貴賓黎過夜訓左佢個位！數下手指，都好多年冇同Javy孖舖啦！仲要係訓雙人床tim^^
１２月１９日，星期日
嘻嘻，星期日又佳人有約！今次係約鍾氏家族∼ 所長好厲害呀！！幫我地守左咁耐秘密，仲要勁到連阿邊個邊個都唔知∼
大家入門口時我坐响梳化扮睇報紙，大姑媽同姑姐好正常，好快就估到係我！！但係二姑媽呢.........哈哈，完全留意唔到我！！
佢仲話以為係帥軒，但係............我明明著住條裙嫁bor 總之就好好笑啦∼∼而第二個驚喜就係我都有份同大家去廣州，
我地係咪個個都去廣州呀？咁我地三個打o既日記咪一模一樣law？！ 呀∼∼我之前發左個好攪笑o既夢，好彩夢境冇成真咋！！
我夢見大家响酒樓食飯，跟住我突然間出現俾個驚喜大家！然後董事長話本來訂左每人半隻龍蝦，但我突然出現冇訂到我果半隻，
所以決定取消龍蝦，改食叉燒拼盤！！哈哈哈∼∼∼係咪好彩只係發夢呢？！如果係真o既話大家會有咩野反應？！
 董事長整o既鹹湯丸，講個秘密大家聽，我食左三碗呀！不過８成係餸，仲要食得３粒湯丸！
  大家成日食可能覺得今餐唔好食，
  但我太耐冇食，所以覺得好好味！
  隔離枱！！俾返個雞頭我影相呀！！
  變味炒飯冇人食，馬拉糕個個爭住食！
１２月２０日，星期一
其實初時我冇諗過１２月返香港嫁！不過後來發現３月得兩個星期時間返香港，但１２月有三個星期，而且機票仲冇咁貴tim，
所以臨時決定返黎過聖誕節∼嘻嘻，大家成日問我幾時返黎，我都知大家好掛住我嫁啦，所以諗住俾個驚喜大家，靜雞雞返香港，
再突然出現响大家面前！為左呢個驚喜，連我d朋友都唔知我返黎，過左＜佳人有約＞呢兩日，今日終於可以公告天下！！！
 叉燒瀨粉，好好味呀∼ 如果d叉燒再肥d就完美啦！！
 Hilda Mama靚湯，今晚飲紅蘿蔔粟米淮山猴頭菇煲豬展
 呢樣我唔識煮，冬瓜炆燒肉！特別鳴謝燒肉由董事長提供，哈哈∼∼
１２月２１日，星期二
今日終於食到蛋撻同菠蘿包啦！雖然唔係泰昌o既蛋撻同埋菠蘿油，不過我都好滿足！！lunch我只係用左$5咋，真係超抵！！
如果响日本可以$5食一餐lunch就好啦，咁我就可以慳好多錢∼∼聽日做冬食飯，呀！！唔係！！做冬打邊爐先啱∼
仲要係超多人一齊打邊爐。Hilda Mama話聽日街市會超多人，所以今日已經叫埋我去街市買定聽日打邊爐o既食物，係咪好醒目呢 |
嘻嘻，入面係張超可愛o既聖誕卡，隻狗仔同我張生日卡係一樣嫁∼
接近２０人响我屋企，唔講真係以為我屋企有過千呎！！
洗野食都有排洗∼
嘩∼∼呢班食肉獸！！又肥牛，又羊肉，又雞肉，又豬肉，又鯪魚肉
開餐啦！手快有手慢冇！ 
澄澄食得好開心
眨下眼，個戰場就變成咁！！呢班人真係好恐怖！！
其他人都已經放棄，只有Hilda Mama同晉晉表弟堅持到底！！勁呀∼
又話好飽好飽，一話食生果啫，又一窩蜂擁晒埋黎，哈哈。
Ponchi Papa有Hilda Mama餵，我都有澄澄餵，嘻嘻
大表哥同Joey姐姐o既BB兆靖，雖然得4個月，但已經１９磅，係一個可愛肥B∼
兆靖對鞋仔超迷你，好攪笑！！唔知幾時先識得叫我做＜細細個表姑姐＞呢
傻瓜澄澄坐响個背心膠袋入面，哈哈∼
嗯∼∼澄澄都幾叻，識寫英文字同數字！
右下角果舊，其實係星星黎嫁＝＝＂
