２０１０年１１月２３日，星期二

（補打）京都嵐山紅葉之旅

嘩！！原來已經事隔半年　等我引誘下大家黎緊秋天去日本睇紅葉先！！

　當日搭6:39am車，所以5點幾就要起身，真係攞我命＞＜

　未夠9點，終於黎到嵐山

　車站內o既長椅，乜整到成張輪椅咁嫁，大吉利事

　一出閘大家就買定飯團做午餐！我都買左兩個，100YEN一個好抵呀！

　橋上風景怡人

　天龍寺

　Susie ^3^

　蝦根？！蝦根達斯嗎？？

　唔記得係邊個要我地排排企...

　常寂光寺，入去要俾錢！聽聞入面d紅葉好靚，所以我俾錢！！

　黎到嵐山，緊係要坐小火車遊覽！！

　月台企滿晒人等上車

　小火車黎啦∼

　坐位飛俾旅行團包起晒，我地只買到企位，其實企响到睇風景睇得更清楚！！

　車上仲有隻怪獸同我地玩自拍，哈哈∼

　見到下面有遊覽船嗎？！我地都覺得坐遊覽船應該好玩d∼

　嵯峨野，豪姐姐讀左做峨眉山，笑死！

　5點幾去到宇治，不過大部份商舖都已經閂左門，洗唔洗咁早呀＝＝＂

　响宇治食完晚餐就返歸。

當然∼∼∼仲有影左好多無聊白痴相啦，哈哈哈！

　Jack & Rose　 　我同Joan發生咩事？？

　豪姐姐話我對眼太大，叫我整細d先好同佢影相！夠細未呀？？

　可惜冇留返塊葉做紀念

　扮晒好feel，其實忍笑忍得好辛苦！

　邊個小朋友玩到連鞋仔都跌埋？？

　全部都咁巨大，異形呀！！

５月２２日，星期日

一家四口出左旺角行街買野，Hilda Mama同Ponchi Papa大出血！！！

戰利品如下：

Buffalo無線 router（YEAH！！以後可以响房入面上網啦∼）

XBOX 360眼仔連＜運動大會＞遊戲碟（大家可以黎我屋企打保齡球，沙灘排球等等 ^O^）

XBOX手掣 x 2（玩遊戲唔止雙打，三打都得！）

運動鞋一對（Ponchi Papa o既，有coupon平左三百蚊呀∼）

黑皮鞋一對（帥軒o既，話就話係返學鞋，但仲貴過出街鞋＝.＝"）

食完晚飯行去地鐵站時，望去眼前o既街燈見到d雨好密，但我又feel唔到有雨wor，原來係d雨由前面黎緊，我地即時跑快兩步，

以為好好彩只係濕左少少，點知返到彩虹落超大雨，一人一把遮都冇用，都係濕晒∼

５月２３日，星期一

我真係好鍾意食車仔麵，正確黎講只係鍾意食d餸！每次我都會叫蘿白同生菜，有時會叫雞翼尖，豬紅，司華力腸，魚蛋......

想當年樓下肥佬檔車仔麵 $12三餸一麵，我唔要麵的話可以要多一樣餸tim！而家真係冇呢支歌仔唱啦！！加價加到離晒譜∼

三餸一麵要$20，仲要俾得少餸wor，唉∼我住呢頭真係冇乜好野食！唔知大家鍾唔鍾意食車仔麵呢？？

５月２４日，星期二

電腦o既野我唔識，所以呢兩日都唔敢攪個無線router。今日Ponchi Papa終於有時間整，我終於可以响房上網啦∼

互聯網真係好勁！連我d台灣朋友都知道阿星中左六合彩頭獎！等佢咁高調公開，而家佢去到邊都好危險！！

５月２０日，星期五

　好豐富o既PIZZA HUT外賣

Koeman上黎食飯，順便幫Ponchi Papa整電腦。經過幾小時o既搶救，暫時整得返，不過唔擔保會唔會再壞，哈哈∼

今期六合彩獎金高達一億，大家有冇買返張博下呢？好耐冇買六合彩o既我今期都買左，結果係.........唔中o既

印度人好厲害，亦好大膽，中頭獎即時post上網，連個樣都唔遮住，唔驚俾人打劫嫁咩？

５月２１日，星期六

未夠12:00PM，澄澄就踩上門，嚇到我即刻彈起身！！原來佢話要黎我屋企同我玩，睇黎澄澄已經愛上我，哈哈

夜晚係５月之星Alice o既生日飯局，今次响＜又一棧＞舉行，又係美心集團旗下，因為阿Frank有85折抵好多！！！

　奶油津白　 　賽螃蟹

　瑤柱勝瓜　 　人見人愛生炒骨

　蝦仁炒飯　 　黃金蝦（激讚！）

 　北京填鴨　 　京都肉排炒年糕

　高力豆沙　 　咖啡奶凍

　拔絲蘋果＆香蕉，送到黎時係熱o既∼

　之後有專人幫我地將d拔絲蘋果＆香蕉放入冰水到浸∼

　完成啦！雖然外表冇變，但表面變左脆卜卜一層好好味！（聽講香蕉比蘋果好味！）

　預祝Alice生日快樂∼　 　接近兩年冇見o既David

後記１：Natasha表演用叉（筆）砂糖，用牙籤分食物，十足＜歡樂滿東華＞高難度表演，獲得大家熱烈o既掌聲！！ 

後記２：因為阿Frank有優惠，相信响佢轉工之前每次聚餐都會去美心集團旗下餐廳，甚至連生日蛋糕都要幫襯美心／東海堂