機場半天遊，9:00AM就要到機場，洗唔洗咁早呀？！真係攞我命！！！

遲D如果要送機就慘啦∼ 5:30AM到機場！睇住人地開開心心去旅行，自己冇份去，送機真係殘忍o既工作∼

　仲要著住套勁藍o既制服响機場周圍行　

午餐去左食味千拉麵，七十幾蚊呀！超貴！著住高跟鞋行路唔攰，最攰係企定定聽佢講解，有人攰到除鞋囉，笑死！

　成班［藍精靈］坐巴士返金鐘上堂∼

其實已經好攰，不過下午繼續要上堂。上簽證同ICAC課程，大部份人都去左遊魂

今天training的講師係官塘分行的主管！男人一名，又風趣！真係好想調去官塘分行呀！！

不過冇可能啦！！因為我個職位o既關係，我只會响大行到返工，想調去細行真係得個諗字＞＜

我間分行有三個主管，不過三個都係女人，我真係好怕跟女人！總覺得女人難攪d，男人應該冇咁兇∼

lunch同同事一行10人去大快活到食，金鐘廊間大快活個view好正，真係食到唔捨得走。

初時以為下午o既堂會好悶，不過好彩有小組討論，暫時上堂都冇瞌過眼訓，哈哈哈

開始一連幾日的training！上training有樣好，就係唔洗落分行，坐定定聽書就OK！但有一樣野唔係咁好∼

就係要早起身　9:00AM要到金鐘，朝早地鐵又鬼咁多人！而且金鐘食lunch好貴呀！！

　午餐食吉野家新出的咖喱牛肉烏冬，都幾好味bor！

今日一整天都係講解東南亞同中國o既景點，聽完覺得自己好似好完旅行咁！發現好多中國o既地方都未去過呢！

暫時最想去上海九寨溝西藏　東南亞的話就最想去日本　除左大阪之外，我全部都未去過呀！＞＜

另外，今日o既講師同我同一間分行嫁！不過我完全冇印象見過佢囉！＝＝＂　冇計啦！我間分行咁多人！唔記得唔出奇丫∼

　去左迪迪尼食晚餐！

　由於我落堂先去，d蟹已經係第二批，冇第一批果d咁大隻∼

　全部都好可愛呀！！

　甜品都OK！／果然係迪迪尼，隻碟都可愛過人！

　我地又响到扮羊同小強啦，哈哈∼∼

　嘻嘻∼∼要多謝壽星公請我地食大餐！

　個個食到捧住個肚走！不過仲有下場！就係食蛋糕啦∼

　生日快樂！！