點樣先可以轉運呀？！自從上星期放完假後，突然變了地獄黑仔王，不單止收唔到客，仲成日遇著麻煩客人

其實好多都唔關我事，我只係幫人執手尾！客人發起火上黎真係不顧儀態　拍晒枱大聲鬧，嘈到連隔離舖都聽到！

一係就少少野都話搵經理，佢咪投訴囉，我只係奉命行事！如果經理鬧我，我實撐到底　我又冇做錯，怕咩同佢嘈呀！！

近日超級唔想返工，所以我要快D睇埋本書－［不想去上班］唔好俾個書名呃左！我睇左個序言，佢話睇完之後會變得想去返工嫁∼

難捱o既一個星期終於過去，今日運氣開始回升，而且收到個好消息！個賤人調走左呀！唔洗再見到佢啦，呵呵呵∼

原來我們已有一年零兩個月零十七天沒見面！感覺好漫長！多謝你仲記得我∼

第一天

台灣落大雨，幸好航班只係延遲而唔係取消。山頂睇夜景，可惜天公不造美

第二天

落大雨，只好行商場　夜晚天氣轉好，可以欣賞維港景色及去蘭桂芳走走。

第三天

要分開了，很不捨！唯一開心的是終於拍了大頭貼

短短三天，已經很開心滿足！不知道下次見面要等到何年何月何日呢∼

救命呀！！我覺得公司好黑暗！！呢兩日超唔開心，真係笑唔出，從未試過咁唔想返工，好想離開呢間分行。

一切都因為６月份開始o既人事變動，第三位主管終於回朝。第三位主管偏心契仔，契仔鍾意恰我，你話我邊有好日子過丫！

事實證明女上司鍾意男仔多過女仔，識得埋堆巴結先會有好日子過。我間分行三個女上司呀，點算？！

契仔想幾時放假就有得放，我12同13號有緊要事想放假唔知批唔批呢？唔批點好？病假？辭職唔做？（反正都返得唔開心）