今朝一早，Ponchi Papa，Hilda Mama同帥軒三人出發去旅行！　難得耳根清靜！（雖然佢地只係去兩日一夜）

由帥軒放暑假開始，日日都聽到佢打遊戲機同講電話o既聲，仲聽到Papa，Mama叫佢收機o既聲，真係冇停過

下午同Javy食下午茶，雖然佢冇食lunch，但下午茶食一碗叉燒瀨＋油雞脾＋紅豆冰會唔會多左d呢？！

本來姨媽們叫我今日跟佢地隊入屯門飲茶，不過之後佢地會去行街，我又唔鍾意行，所以寧願留响屋企上網，嘻嘻∼

７月１７日，星期日

晉晉表弟去完大阪自由行返黎，真係要俾個讚佢！以佢咁大意o既性格，居然可以冇甩漏，冇唔見重要野，好叻仔呀，哈哈∼

早知道佢一落機就會見面的話，就叫佢幫我買兩個冬甩啦＞＜　好掛住Mister Dount o既冬甩！點解香港冇分店嫁

反而台灣，韓國，上海就有　不過表弟都買左d日本零食返黎做手信，好掛住日本.............d野食

７月１８日，星期一

普通的一天

７月１９日，星期二

日本打風呀！同學仔仲話聽日有可能放颱風假唔洗返學。打風唔洗返學响香港好常見，但响日本係好罕見嫁！

記得上年响日本都有試過打風，仲落勁大雨，不過都冇假放＞＜　同學仔話今日大阪冇落雨，完全唔覺打緊風

７月２０日，星期三

去左旅行社報名，黎緊８月２日至６日會一家四口去桂林，讀書時就讀過＜桂林山水甲天下＞，唔知係咪真係咁靚呢？！

不過好唔習慣呀！通常旅行團都係勁早出發嫁ma，今次竟然係坐下午機，仲要係坐香港航空，希望唔會delay啦∼

７月２１日，星期四

肥姨媽同朋友飲茶，佢朋友叫左一隻乳豬，兩個人加埋先食得五六舊，所以食剩左好多。後來肥姨媽打包d乳豬黎我屋企，

仲去街市買左少少餸上黎煮飯，連五姨媽一家都上埋黎食飯，我諗佢地緊係好耐冇食肥姨媽煮o既野，哈哈∼

７月２２日，星期五

第一次叫KFC外賣唔係打電話叫，而係上網訂，因為上網訂有多樣野送！不過又要登記又要揀，而家叫外賣都要字同識用電腦。

終於等到＜團圓＞大結局啦，YEAH！本來好想睇黎緊果套古裝片，不過又有陳錦鴻份，攪到我要考慮下

７月１２日，星期二

Javy話巡舖行開慈雲山，問我去唔去飲茶，本來諗住叫埋帥軒同Ponchi Papa，

點知佢地一個放學買左車仔麵返黎食，一個去左踢波冇咁早返，所以最終都冇去到。

７月１３日，星期三

响美心買左幾件cake食，不過都唔夠Hilda Mama公司樓下間cafe d cake好食！

諗起上次（６月８日）我地整蛋糕o既相未同大家分享∼

　用電子磅準確地量份量　 　再倒入蛋糕模入面

　d芝士好香好想偷食∼　 　如果可以整大個d就好啦！

　Hilda Mama偷看芝士，我偷看Hilda Mama，哈哈∼

　我地好講衛生，要戴手套！（但可唔可以唔好用藍色？好似洗碗手套呀！）

　我們的製成品－tiramisu

７月１４日，星期四

日日去餐廳食下午茶好悶呀！都唔知食乜好∼所以今日黎個突破！食菠蘿包∼又平又好味！！

連台灣同學Rocker响畢業紀念冊到都寫，好想食香港o既菠蘿油，哈哈∼

７月１５日，星期五

討厭！！！今日3:00PM做行政長官答問大會（即係睇長毛同毓民嘈之巴閉＝＝"），攪到我冇得睇＜皆大歡喜＞

下午茶食蛋撻，又係好好味！韓國同學Heran响畢業紀念冊到都寫，好想黎香港食蛋撻。原來蛋撻咁出名嫁＠＠

７月１６日，星期六

不小心地食詐糊賠左$64俾五姨媽，轉個頭五姨媽包返我一舖八番，响佢到拎返$96，呵呵呵∼

响facebook見到朋友去BBQ o既相，攪到我又好想BBQ，好想食燒雞翼，豬扒，蕃薯！不過而家天氣太熱，等秋涼先攪活動啦∼