今年生日好特別，有隻天兔同我慶祝，雖然掛8號風球，不過對我冇影響，因為我本身放假唔洗返工

話就話最強颱風，但風向唔啱所以冇乜風雨，夜晚照同Hilda Mama..帥軒..細細佬去食一壽司再直落食糖水。

另一餐生日飯係同嫦姨媽..溢哥去新蒲崗貝爾特酒店食自助餐，型格酒店但食物水準OK！唯一唔好係好多強國人∼

主管個BB仔終於出世，同我同一日生日　Frank同Natasha個BB女就24號出世，同我咁近一定唔會忘記啦！

祝兩位BB快高長大，快D好似小兔兔咁可愛　22個月大o既小兔有同我講生日快六冇錯！佢係講〔六〕嫁

維他响韓國買左禮物俾我，裡面仲有三張寫左字o既心心memo，好感動呀！果然禮物價值唔重要，最緊要係份心意。

網絡開始普及後已經好耐冇煲電話粥，就連祝福語都send文字就攪掂！今年有三個人打黎同我傾左幾句，明年你地仲會打黎嗎？

今個中秋節過得好開心！

同事幫我地幾位九月之星預祝生日，食左個好美味o既蛋糕∼

之後冇乜信心o既保險考試居然俾我一TAKE PASS，實在有D意外，因為有幾題我完全冇見過，係撞答案

D題目又陰濕，一個唔小心就會中招，但真係唔明點解有同事考十幾次都肥佬，十幾次會唔會太誇張呢？！

夜晚Javy帶埋小兔黎食飯慶祝，22個月大o既小兔好得意，識講好多野，當然我唔會放過任何機會，錫左佢好多啖

寄特快速遞有個好處，就係可以追查包裹o既下落。如果網上資料冇錯，禮物應該已經交到佢手上。

真係好快，俾貴少少都值。但某人完全冇回音，究竟係未到佢手丫，定係份禮物唔啱心水呢？！