今年慶祝Ponchi Papa生日都算落重本啦!!

正日生日去左打邊爐，食左個一路發發套餐!!

食物係好豐富，不過食到一肚氣！服務態度真係好重要！如果想鬧人，極力推薦呢間酒樓

慶祝第二炮就係旅行　本來想過澳門玩幾日，但撞正果邊賽車所以只好返大陸玩。

參加左美麗華團購中山兩天美食團，我都明白咁o既價錢一定冇五星級水準，但都唔係四星都不如呀！

住o既酒店真係好差，連我對食冇乜要求o既都覺得一般，真係一分錢一分貨∼

期待下次有更長o既假期可以一家四口再去旅行，我真係好想放長假去旅行唔返工

Yamaha結婚大日子，掛住一號風球，不過天氣好好，可能係神聽見Yamaha同Rita o既禱告

唯一美中不足係又唔齊人，已經早一年前通知定大家請假，真係好唔夠朋友囉！不過算啦，又唔係我結婚，冇資格嬲。

夜晚喜宴到上乳豬我地圍枱先得六個人，以為全晚食野要食兩倍份量，原來係有人遲黎啫！不過我地五個女仔都食左好多野

每次去飲都好辛苦，要諗著咩野衫，化妝著高跟鞋最辛苦呀！成日唔記得去捽眼，行路時又要好小心，所以明天拎多日假俾自己好好休息。

十月二十九日，星期二

本年度的大閘蟹宴，繼續同Hilda Mama D同事食，一人兩隻其實都夠，因為我食得太慢，食三隻會好攰

今次食o既地方係一間培訓中心，食物水準OK，但服務態度就真係要再培訓啦！！好多笑料囉∼

十月三十日，星期三

今個月終於跑完數！！　同同事去打邊爐慶祝順便聯誼下∼　有幾個人要BLACK LIST佢呀！成日飲醉酒！

最慘係醉到講唔出地址，都唔知丟佢去邊到好　好彩最後大家都平安冇事返到屋企。

十月三十一日，星期四

飲完酒第二日返早，冇遲到仲鬼咁精神　下午人事部無啦啦叫我上遊輪寶瓶星號參觀，隻船唔算好大但都行到好攰。

好彩夜晚大姑媽娶新抱食自助餐，今日著長褲兼波鞋，平時我返工著短褲拖鞋嫁ma，著到咁上船會唔會俾人鬧呢？

睇黎我第時結婚唔可以食自助餐，董事長冇乜野啱食，見佢淨係食雞粥，龍蝦仔同雪糕蛋糕！可能打邊爐啱食D