終於揀啱份生日禮物啦！！ 呢份係第幾份送俾你o既禮物呢？！我都已經忘記了∼

認識得越耐，就越難諗送乜！雖然好多人都話禮物只係一份心意，無論送乜收到o既人都會開心。

如果每年你生日，可以簡簡單單請你食餐飯，咁就好了∼揀禮物真係唔係我強項！

明年你生日，我仲會咁好心思大費周章咁去揀禮物嗎？！時間慢慢過去，記憶慢慢沖淡，但感覺呢？！

一年前仲好開心咁响到宣布，蝦我o既賤人終於調走左，當時真係開心到要開香檳慶祝

點知一年後又要响呢到宣布，個賤人竟然調返黎！！　當我聽到呢個消息幾乎暈低∼∼

賤人今日正式回朝，全日冇同過佢講野，連坐佢隔離都唔想呀！女人就係咁小氣嫁啦，哼！

本身放完九日大假已經唔想返工，而家公司仲有咁多衰人，日子真係難過∼

所以我個BLOG叫［日本的開心回憶;香港的辛苦回憶!］係冇錯嫁！好想去日本呀∼∼

Ponchi Papa真係好叻仔！！响澳洲拎左好多獎牌呀！！　金銀銅三隻色都有，恭喜晒∼

上次佢整親腳休養左咁耐冇去練跑，都擔心佢今年跑唔郁，估唔到有咁好成績，返到香港一定要大肆慶祝！

Hilda Mama就好啦∼可以親身响現場打氣！比賽肯定好刺激，特別係臨衝線一刻，唔知佢地有冇拍短片呢？！

佢地差不多去左一個星期旅行，我同帥軒都好好，冇穿冇爛。不過D魚就慘啦！全軍覆沒，一齊魂歸天國

要响呢到讚下帥軒，因為係佢伸隻手入魚缸撈魚，前前後後總共撈左三次，果然大個仔

今日重陽節去左琛哥屋企BBQ，有海鮮食好豐富。唔好以為Papa Mama唔响屋企我地就冇啖好食

今日唯一唔開心o既消息係公司又發生意外，究竟公司係咪受左咀咒？我覺得要搵風水師睇下！ = =""