７月１１日係加藤成亮２４歲生日o既大日子

（唔好話我聽唔知邊個係加藤成亮！！）

究竟加藤成亮係一個點o既人呢？答案就係................畫畫好差o既人！！（大家要有心理準備）

＜驚嚇作品＞

　聖誕老人（我唔要聖誕禮物啦，唔好黎搵我＠O＠）　　   　鴨子...

　猴子＝＝＂（似猩猩多d）　　　 　幽靈（的確好恐怖！）

＜不過偶然都有佳作∼　但唔知係咪請槍嫁呢？！＞

　狸貓　　 　甲蟲　　

　Hilda Mama天敵－老鼠　　 　姑姐至愛－烏龜　　

　小白兔　　 　煙火

點解可以咁極端，靚o既可以咁靚，醜o既可以咁醜

滿左18歲後，只係去過澳門賭場同普通馬會，都未試過入馬場睇賽馬，趁住馬季煞科日一於去馬場玩下∼

　等左十分鐘先有一班車途經馬場站！

　入到裡面啦∼

　中國馬　 　香港馬

　响馬場入面食lunch∼

　兩餸飯加一支汽水，$45，好貴呀！！！

　d名改得好正！！

　唔止個名唔同，連價錢都......

　熒幕播緊果隻就係我買o既1號

結果：一開跑1號領先，但後勁不繼，過終點時，1號同銘銘揀o既7號完全唔見蹤影＝＝"""　反而大冷門9號跑第三

　再接再厲，我買4號，銘銘買1號同2號

　結果：1號2號穩奪一二名，4號力壓3號，贏個馬鼻得第三，兩張飛都有錢收∼

　為求回本，玩多一場！我買10號，銘銘用大熱門4號拖其他

　結果：一路唔見蹤影o既10號响最後直路突然發力，從馬群中跑出，跑第二^O^

總結：响毫無準備（冇帶馬經），連馬名都唔知叫咩o既情況下，哈哈，我地每人羸左$8.5呀∼∼

　入場有紀念品派，精美原子筆一支

原來响馬場出面都睇到馬嫁！！圖為煞科日最後一場賽事，一堆馬响我後面跑過。

　好緊張，進入最後直路！！

　趙業銘！！！都叫你度位嫁啦！！攪到有條柱响我頭到＝＝＂

　一堆馬衝呀∼∼都唔知邊隻打邊隻，哈哈哈∼

晚餐去食車仔麵，四餸一麵$30，不過個職員收少左一碗錢，我地又賺左^^　今日果然有少少運仔，嘻嘻∼

７月８日，星期五

　一家四口去睇＜黑癲鵝先生＞，企鵝仔好得意呀！！

大家記住唔好信YAHOO! o既時間表，我地中計了！！又話8:10PM有場，點知9:55PM先有＝＝＂ 開場前先去個晚飯∼

　滷水牛展／雲吞雞

　三鮮炒年糕／生煎包

７月９日，星期六

夜晚同兩位YMCA舊同學食飯，兩位都係待嫁新娘，N小姐會响2012年10月註冊，不過佢唔大攪只係擺兩三圍同親戚食飯；

E小姐會响2013年3月結婚，仲邀請我同N小姐去做姊妹。佢地都已經開始籌備婚禮，但有樣好重要o既野居然仲未開始做，

就係修身啦！！讀書時o既N小姐已經係肥肥地，而家仲肥晒落手臂到，手臂真係好難減嫁，佢話如果影婚紗相前減唔切，

就叫個攝影師幫佢執瘦d，哈哈 而E小姐以前唔算好肥，但出黎做野後重左20磅，佢話會食健康餐單同跑步減肥。

你地要加油做個靚靚新娘呀 佢地叫左好多野食，但唔敢食太多，係咁叫我食晒佢，我都要做個靚靚姊妹嫁！