今日Ponchi Papa入左深井竹戰同食泰國野，不過我同帥軒幾日前已經答應左晉晉表弟去佢到打麻雀，所以無緣同大家相見！！

上次俾帥軒一家嬴三家，今次我地要報仇！！　帥軒今日冇乜運，三百蚊籌碼竟然輸淨十二蚊，差少少就要輸清光∼∼

好彩後來佢都食返幾舖糊，總結我同晉晉表弟贏，帥軒同阿精輸。阿精真慘，兩次都輸錢，要多d惡補下先得啦∼

晚餐一時大意，叫左全茄汁宴＝＝"""　pizza同肉醬意粉有茄汁好正常，薯茸上面有肉醬都接受到，

估唔到連小食o既腸仔同牛肉丸都係用茄汁，最騎呢係吞拿魚長通粉都係用茄汁，真係估佢唔到

Hida Mama今朝一早同姨媽們返左雅居樂渡假，Ponchi Papa返工，所以得返我同帥軒响屋企冇王管，哈哈哈

用屋企部大電視欣賞NEWS演唱會，熄晒燈開到好大聲，大大個加藤成亮出現响我面前，好HIGH呀！！！

晚餐同帥軒叫外賣食，成日食外賣冇益呀！！有冇人肯煮住家菜俾我地食呀？？

６月２８日，星期二

好消息　我之前都提過，Hilda Mama同Ponchi Papa每年都會買一對戒指，今年佢地都揀好左，不過冇Ponchi Papa size，

要响外國訂返黎，等左咁耐，終於送到黎香港啦！！唔知Ponchi Papa一年會戴幾多次呢？哈哈∼∼

為左拎戒指，去左沙田食晚飯，有蝦有蟹好豐富。食完飯仲去左食乳酪

　$15 / 100g，有幾款口味，仲有好多配料揀

　我地整左四款乳酪，落左芒果，士多啤梨，荔枝啫喱，曲奇碎

　一杯夠晒四個人食！

６月２９日，星期三

Hilda Mama予約左頭王比利今日剪髮，但今日落超大雨，大到連比利都打電話問Mama會唔會改變主意唔去，

不過Mama想快d剪個靚髮，所以最終都決定入粉嶺剪！！後來聽返Mama講，佢今日好好彩全日都冇開過遮＠O＠

Ponchi Papa好慘呀，醫生叫佢戒口，樣樣都話唔食得，不過我相信佢好難真係戒食，最多只會食少d，嘻嘻

６月３０日，星期四

同Ponchi Papa，帥軒拉架車仔去百佳瘋狂入貨，因為聽日帥軒有同學上黎打機，要買d飲品薯片招呼下人∼

點知夜晚帥軒又話佢同學唔黎，哈哈哈，薯片益左我地兩個！！今日開始12:15AM重播＜金枝慾孽＞，我又開始追劇啦！！