６月５日，星期日

一行９人去搭小巴，其他人都＜嘟＞晒八達通，得返我同四姨丈未俾錢，就响呢個時候發現得返一個位，究竟邊個上車好呢？！

結果五姨媽叫我地一齊等下班車！可憐地望住小巴開走，跟住四姨丈就即刻伸手截的士！！嘻嘻，跟住四姨丈實有著數

６月６日，星期一

夜晚去九龍灣＜鍾菜＞做節食飯，食物水準一般，而且份量略為細碟，唔推介俾大家∼

　順便預祝埋四姨丈，五姨媽生日

　呢幾姐妹似唔似樣？？

６月７日，星期二

Koeman生日快樂∼　祝佢日日都開開心心，食極都唔肥！（睇佢FB成日去食好野！唔肥就奇啦∼）

　收到一個由日本寄來的包裹

發現日本同香港原來係有＜年差＞嫁！！

定係......呢個包裹係未來人寄俾我嫁呢？！

５月２５日，星期三

由揀相到打好嵐山紅葉之旅日記，都唔知用左幾多小時啦！仲有KK，大隻Mike黎玩o既日記未補打，大鑊

５月２６日，星期四

返左黎香港兩個月，仲係唔知搵咩野工好。

５月２７日，星期五

　Hilda Mama買左d超大粒o既士多啤梨，好甜好好味∼

５月２８日，星期六

Ponchi Papa一早入左元朗開枱，帥軒返左學校，訓到3:00PM先醒，覺得好奇怪，點解會冇人叫醒我，點解間屋咁靜嫁呢？！

原來Hilda Mama仲訓緊覺＠＠"　不過∼∼∼其實Hilda Mama前一晚臨訓前食左粒藥，所以先咁好訓啫。

夜晚响人家食飯，既然每圍枱叫半席都食唔晒，不如下次試下叫半席，分兩圍枱食丫，哈哈哈（肯定俾人打∼）

５月２９日，星期日

9:15AM，Javy打黎問我有冇約人，叫我去舖頭幫一日手，仲叫我返11:00AM，即係訓多半小時就要起身返工，好突然呀∼

好彩夜晚Koeman黎幫手，我先可以7:00PM收工返屋企食飯。明明熟睡緊都聽到電話響，究竟係好事定壞事呢，哈哈

５月３０日，星期一

Ponchi Papa由今日開始變左個學生哥，一早返學上堂，返學返到黎都6:00PM，所以Hilda Mama叫我幫手做清潔，

今日第一日，緊係偷下懶先啦，哈哈∼∼

５月３１日，星期二

今日開始做家務！！吸塵，拖地，洗廁所，洗浴缸∼　我仲有幫Hilda Mama手煮飯嫁！！

６月１日，星期三

又係過d家庭主婦生活∼

６月２日，星期四

諗住幫Ponchi Papa換隻M記杯，專登搭車去德福，點知已經換晒。最後冇食到M記，去左食KFC。

第一次試，薄餅包住炸雞，舊雞炸得好脆，好好味！　脆脆唔太油，不過芝士汁有少少辣。

６月３日，星期五

平時睇完＜皆大歡喜＞開始做清潔，今日睇完同Hilda Mama去大家樂食下午茶，由於時間緊迫，攪到我想偷懶唔做清潔，嘻嘻∼

夜晚姨媽上黎食飯，本來甜品食雪糕，唔知係咪閂唔實個雪櫃，雪糕竟然溶晒＞O＜　唯有雪返硬先再食啦∼

銘銘約我聽日去維園六四燭光晚會，不過被我拒絕了，大家有冇去過呀？？