２月１５日，星期二

週末時有同學去左＜城崎溫泉＞旅行，食左個超正o既蟹餐，仲即刻post相上facebook，攪到個個流晒口水。

聽講d蟹多到食唔晒！！攪到我心思思超想去！！响佢地facebook copy左兩張相俾大家睇∼

同學去玩都冇忘記我地，買左手信返黎，不過手信只係..........

　雖然都係蟹，但size差勁遠law！！！唔制呀＞O＜　我要食超大隻o既蟹！！！

另外仲有個好似菜肉包咁大o既蟹肉包，不過唔記得影相，個名就蟹肉包，但完全食唔出有蟹肉law，哈哈∼∼

２月１６日，星期三

今日去常盤小學同小學生玩遊戲，大家都好鍾意玩＜收買佬＞！！發現日本o既小學生個個都要帶牙刷返學，

唔知而家香港o既小學生洗唔洗帶呢？？我地收集o既野多數都係文具，最特別係要十對襪，大家超快手除襪同綁埋一對，

我諗好多香港學生都唔識綁埋一對！！本來由Momoka果組以６分領先，Rei同Yota兩組只係得４分，我地為左增加刺激性，

最後一題贏左果組可以得到３分，就係因為呢題，Rei果組反敗為勝！每人得到文具套裝一份，同埋...........

　封面

獎狀，冇人睇得明泰文同韓文，Poppu同Semi可以亂寫野落去，哈哈∼

今日係情人節，大家有冇收到朱古力呢？！以下就係我今日o既收穫啦∼

　多謝梶川老師，Apple，Iku，Mai，林同學

下午突然落雪，我地呢班＜大鄉里＞又好興奮地影相，哈哈∼∼冇法啦，大家第一次過落雪o既情人節ma∼

以為大阪落好大雪，原來奈良落得仲大！！

地下好似倒瀉＜思樂冰＞咁，好核突呀！！而且地下好滑，真係好易跣低，要打醒十二分精神！！

今日Kaku話俾份手信我，先知道原來佢去左東京玩！！＜靜雞雞＞去玩唔話我聽　算佢醒目啦，有買手信返黎∼∼

點解Kaku唔問下我最想要咩野手信？！東京o既手信，緊係加藤成亮啦！！應該帶佢個真身返黎俾我ma！！！哈哈

右邊：香蕉餅乾，Kaka送o既手信∼

左邊：北海道薯條，Sara同Rocker都係送呢樣俾我做手信，咁多人買，可想而知幾好味呢！！