終於到表演＜小紅帽＞o既日子啦！！有驚無險，大家冇甩對白，整個流程好順利，算係好成功

　我地組o既大合照∼

除左阿Joy同天馳同學要帶假髮，其他人個造型都好正常！旭同學做便利店職員，至於係邊間便利店，大家應該睇得出掛！！

另一組表演有少少甩漏，不過都引到大家笑，特別係鄭同學個造型真係笑爆咀！！呀∼∼佢個藝名叫＜菲菲＞先啱，哈哈∼

　冇金色假髮順眼好多！！

難得今日咁齊人，緊係要影大合照啦！！　** 注意：响我後面，戴眼鏡o既係澤井老師 ，老師影相好放呀！！**

　正常版

　老師要求o既鬼臉版

　又係老師要求o既＜菲菲＞招牌動作版

我地班女仔真係好好人，唔洗男仔扮鬼扮馬，其他班d男仔真係好可憐，好似萬聖節化妝舞會咁，定係似愚人節呢？？

　A班o既Gary

　D班o既Ryan

　唔只畫眼線，仲用埋假眼睫毛

　B班o既高同學，眼睫毛都好長呀！

　佢化完妝個樣都好正常，點知............................

　原來佢表演時係咁o既樣嫁，仲要＜裝胸作勢＞，O MY GOD

今日早餐有我好鍾意食o既咖啡啫喱，所以無論朝早有幾咁眼訓，我都好努力咁爬離張床，落去食早餐，嘻嘻∼∼

放學約左強強，果陣時選擇黎大阪留學都係因為有個熟人睇住我冇咁驚，點知黎左咁耐，見面o既次數都唔超過10次，哈哈！！

　晚餐食火鍋，我地都覺得港式火鍋好味好多∼∼

　尋日晚餐食吉列，今朝一訓醒即刻有d喉嚨痛，試下食＜龍角散喉糖＞先∼

我覺得好好味，但我請其他人食，竟然好多人都話好難食？！所長，我有冇買錯冒牌o既龍角散呀？！

２月２２日，星期二

放學後同Apple去旅行社報名，我地3月17日同18日會同埋KK，大隻Mike一齊去城崎溫泉！！YEAH，好期待呀

不過KK，大隻Mike，要辛苦你地啦∼因為Apple係台灣人，所以呢兩日你地要講好多＜煲冬瓜＞，冇問題丫嗎？？

城崎溫泉响兵庫縣，坐特急JR要大約要３小時，單程 5,500 YEN。我地買package包來回車飛，一晚酒店，晚餐蟹宴及早餐，

每人 16,800 YEN，我同Apple係學生仲有得平 1,000 YEN tim！！首300名報名仲可以用100 YEN買一個原價 500 YEN o既甜品，

雖然唔知好唔好味，哈哈！！個packae仲包入浴券，可以浸溫泉街d溫泉呢！！一齊浸溫泉，要快d減下個肚腩先得啦，嘻嘻

响旅行社o既月曆竟然發現小鴨o既蹤影，超想拎個返屋企

　三個造型都好怪！！

我地响旅行社攪左一個多小時先報好名，果到開左暖氣勁焗，焗到Apple塊面紅晒，我又頭痛。

　高同學介紹，佢話飲完可以保充體力，都唔知係咪真o既，哈哈∼

２月２３日，星期三

原來今日係姑姐結婚周年紀念日，恭喜恭喜！！Hilda Mama即時搵返當日o既相出黎，scan左之後send俾我睇。

　當日我盛裝出席嫁！！紮孖辮好可愛

之後呢張我冇post上facebook，low b著裙呀，超趁貴！！大家跟高矮排，好好笑∼

我朝早一套，夜晚換另外一套，勁！！上次Javy結婚時，我地黎氏家族o既同輩影左一張相，啱啱好係十兄弟！！

唔知幾時先可以集齊鍾氏家族o既同輩影返張大合照呢？！以前細個就有影合照，反而大個左就冇乜一齊影過相∼∼

地域交流堂要寫報告，奧村老師話星期五前交個分數要打9折，下星期先交就打8折，我留堂攪盡腦汁先寫好可以响今日交！！

放學後進抽籤，我地班抽唔到個金色假髮呀∼可惜＞O＜，冇金色假髮鄭同學冇咁迷人，冇咁攪笑！！