上次杜蘇芮半夜三更先到訪香港，對我一D影響都冇。今次韋森特好少少，黃昏就黎到香港，對大家有冇得著呀？？

我果日返夜，一掛８號風球即刻落閘，可以早走３小時　真係冇諗過韋森特吹得咁勁，居然吹到１０號風球！＠O＠

OH~~~ NO~~~ 其實我係咪唔應該咁開心呢？！打風攪到航班延誤取消，旅行團出唔成公司蝕錢，同事冇得出團搵錢，

一係出左團返唔到黎香港，客人又會上黎攪退款，一係就茶會取消上黎補茶會資料，其實做o既野仲多左！！

呢幾日生意慘淡，好彩我有少少運仔，收到客唔洗食蛋 ^^"　暑假啦∼∼大家快D黎搵我報名去旅行啦∼∼

唉∼∼∼　我部手提電腦又病左！趁住今日放假拎左入廠整，希望佢快ｄ好返，健健康康∼

好彩仲未過保養期，如果唔係大病都唔洗錢　冇電腦玩唯有玩住手機先！

尋日７月１１日係加藤成亮生日大日子，自從上年山下智久同錦戶亮（兩個可惡的傢伙）突然離開NEWS，

令到NEWS跌左落谷底！幸好SHIGE福大命大，NEWS又復活啦！黎緊會出新碟同開演唱會，我會繼續支持加藤成亮嫁！！

好想放個長假去日本睇演唱會呀！我要睇NEWSMORNING娘w-inds.　不過......應該都係得個諗字！

尋日睇路線圖，杜蘇芮吹到正香港，應該星期六最接近，公司都同我地講，如果掛８號就唔洗返。

收工見到更表寫今日放假，開心左一晚！諗住星期六掛８號就可以放孖DAY！！

點知夜晚11點幾就掛８號，睇黎聽朝天未光個颱風就走人，杜蘇芮你可唔可以行慢少少？！

唉！都知道世事又點會好似我諗得咁完美丫∼