死期到了！　正式第一日到分行上班！因為我係做旅遊顧問暫時唔出團，而且又住九龍，所以被派去超忙的旺角分行＞＜

一開舖就叫我企門口，d人不停問我拎行程，東南亞地方尚算OK，最怕人問中國線，實在太多地方，一d概念都冇。

之後開始背下航空公司同地方o既code，以前讀書時背過嫁！不過事隔咁多年，全數交返晒俾老師啦！哈哈∼

下午又學左用電腦check單，一連串教左勁多野，我個腦就黎full晒！　跟其他分行同期o既同事互通消息，睇下大家返成點，

發現佢地大多數都要影行程，不過我間分行有幾個阿姐負責，搶左我最想做o既工作！！我想做＜影后＞呀！！

由於其他人太忙，根本冇時間理我同另一個新人，所以我地只好坐埋一邊背code，行行企企等收工。

第一天上班就遲到十分鐘，哈哈　不過我未算最遲！上次一齊interview o既阿Man比我更遲。

好彩人事部o既同事尚未入房點名，勉強過關冇當遲到。其實我係返銀行中心分行，但今日去金鐘總行上training，

真係估唔旺角轉車咁多人，等左四班車都上唔到！　同一班上training有15人，可惜冇人同我返同一間分行，要孤身作戰！

港島區食lunch真係唔同d！美心快餐都要$40，夠我食兩餐M記呀！飯後試制服，本來全部要晒S碼，但佢d size好有問題∼

恤衫同外套要著XS，背心外套著S，但裙要著M　最麻煩係要用圍巾，好難綁得靚！而且套制服好藍囉！

今日關西外語專門學校舉行畢業典禮，恭喜同學仔畢業了！　好多同學都選擇回國，希望大家有好o既前程！

Hilda Mama同Ponchi Papa去永安開茶會，仲記得以前茶會得d cheap cheap野食，原來而家進步左好多嫁啦！！

　居然有cake同雪糕食

今次呢個桂林五天團，共有１２人，但淨係得佢地兩個有去開茶會＠O＠＂　真係要讚下佢地乖！！！

本來我都想跟埋去嫁，不過前一晚手腳麻痺攪到天光先訓得著，朝早太攰所以冇去到，後悔呀＞＜