今日發售o既Dance SQUARE vol.21，當中有個「Johnnys' Jr.徹底解剖」連載，終於到MADE啦∼∼∼🎉
內容超豐富，稲葉光超靚仔，真係要買返本珍藏！！先來幾張靚仔圖
五官太完美啦！帥氣之中又帶點可愛 不過輯相應該係之前影o既，佢放完暑假曬黑左，求求你快D白返∼
話明解剖，當然要深入了解下稲葉光∼身高體重眼耳口鼻幾cm，手長腳長連睫毛長都有記錄！
而且所有資料都係最update，可以跟住D資料訂製一個1:1 人型公仔 （好以有點變態∼哈哈∼）
練習服方面，佢真係冇講大話，冇話上雜誌就著好D！練習鞋係螢光綠色，條褲加埋對鞋，離遠都見到佢！
Ａ to Z問答內容豐富！亦解開左幾個疑團！小時候照片好可愛
 網上流傳稲葉有兩個哥哥，孖生而且比佢靚仔（多年前佢地仲係讀書年代消息）
►►迷團終於解開！真係有大兩歲孖生哥哥，所以哥哥們靚仔都係真的嗎？
稲葉爸媽基因超強大，一門三傑都係帥哥？！
近年都話身高180cm，但感覺同大河有距離，大河似報大數，稲葉似報細數！
►►事實係182cm，仲話係最近先長高，好感動！
稲葉先生你下個月27歲都仲有得長高？！好勵志呀！我都覺得自己仲有得長高
最後有篇超長訪問，用盡畢生功力睇晒，睇完有D頭暈不過值得！（真係好怕睇字，仲要加多重功夫翻做中文）
重點：
 稲葉媽媽喜歡堂本光一，希望阿仔可以演出Endless SHOCK，所以將佢送進J家大門！
（結果稲葉並未演出過，媽媽要哭了，哈哈∼）
小學五年級(12歲)春假最後一天去事務所面試，不過當日落選冇份雜誌取材。後來被叫去見學就入所了？！
（所以係誤打誤撞入左J家？！）
高中畢業後，用了一年時間諗繼續升學定全職做Jr.，最後選擇讀時裝專門學校
（學業優先好孩子！就算冇得出道都有一門手藝呀 ）
演出滝沢歌舞伎學校就要留班，超迷網的稲葉！當時有想過退所，幸好大河阻止左佢。
（秋山大河！！多謝你 ）
希望多D人支持稲葉光∼支持MADE
2017年，在籍Jr.人數竟然有接近200人（網民好勁整理好晒！）
makiya22.com/14590.html
makiya22.com/14576.html
由Jr.組成，大大小小o既組合有十幾個∼
makiya22.com/14391.html
入事務所看似容易，但之後能從200人入面脫穎而出，被選入組合又係一大難關。
入到組又未必能出道，事務所真係好殘忍！！
|
