明明話吹到正香港，但8號風球只掛左4個鐘，落左風球後先開始有雨，本身今日係好日子，心情即刻差左

祝Tomitan生日快樂！真名唔知，年齡都唔知∼

唔公開都冇所謂，反正就係欣賞佢唱歌跳舞好努力，而且好可愛

如果下次去MeseMoa.活動可以用張握手券，我一定會揀摸你手仔嫁∼等我！

尋日臨訓前睇左＜滝沢歌舞伎10th Anniversary＞，最近依然係沉迷MADE，發夢都夢見佢地。

不過係唔開心o既夢，夢見公司要拆散佢地，淨係俾一個出道（健翔定大河，唔係好記得）

再加埋林翔太同松本幸大，組個三人團體∼

有得出道應該開心先係，但諗到其他成員應該唔會再等，唔會再留係事務所就好傷心，傷心到醒左。

雖然只係發夢，但因為好真實，所以好深印象！

希望MADE同NEWS一樣，永遠都係四個人，永遠都相親相愛，8人一齊努力

MADE著上NEWS o既演唱會衫表演！多謝你地咁愛NEWS，作為NEWS粉絲，會非常支持你地∼

下個月就係24時間TV，小山有幸連續兩年擔任主持，估唔到連Shige都有幸連續兩年參與套劇。

（雖然上年套＜盲目ソыЁвэ先生＞我仲未睇，因為我知道會睇到喊，要留返想喊o既時候先睇）

今年加藤老師真係大躍進！有舞台劇同音樂節目主持，而家又拍24時間TV套劇，30歲果然係人生轉捩點

網上有消息指第二本小說＜閃光＞過幾日就出中文翻譯版，一定會買黎睇，不過唔知幾多個鐘先睇得完啦∼

本身想去超市入貨，但，仲要黃雨　唯有夜Ｄ先去，打下日記消磨下時間啦！

日本今個月做左兩個大型音樂節目，THE MUSIC DAY同音楽ソ日，邀請左好多J家帥哥去唱歌∼

睇完真係嚇左一跳

Hey! Say! JUMP  出道十週年！想當年仲係十幾歲小朋友！

而家最細都24歲！Hikaru同Yabu都長得咁高大拿

Kinki Kids因剛入院只有光一演出

啊∼Anniversary以前成日聽！再望真個年份∼2004...十三年前？！

其實近年J家都出好多新團體，不過冇乜邊隊吸引，樣貌又唔特別出眾

Kis-My-Ft2就係一群人玩roller，以前有幫NEWS伴舞所以都認得下佢地，離奇地佢地首出道歌我有聽過喎！

A.B.C-Z就係一群人玩雜技，空翻拋來拋去，只認得塚田僚一，因為佢係M娘。粉絲！

SexyZone完全睇唔出邊到sexy，露D肉黎睇下啦！

  ЖцЯみИWEST真心不能接受，關西o既都要走騎呢風？！

唔明事務所諗乜，明明好多有潛質o既Jr.但又唔俾出道，好多都唔再等退社了！

感慨一下ya-ya-yah，四個一齊長大，發展都唔錯常上節目雜誌！

可惜只有八乙女光同薮宏太可以出道，鮎川太陽同山下翔央現在過得好嗎？

始終都係NEWS  D歌啱聽！仲唱左＜U R not alone＞，四人唱功真係不得了，進步左好多！

感謝GReeeeN創作左首咁好o既歌俾NEWS

音楽ソ日影片：連結1　連結2

THE MUSIC DAY影片：連結1　連結2

 711，並唔係便利店！而係加藤Shigeki生日！

三十路！轉眼Shige已經踏入三字頭 

12歲入Johnnys事務所，感謝你將整個學生時代所有青春都奉獻晒出黎∼

初時係NEWS冇一個明確o既定位，後來慢慢走出一片天，成為事務所第一位小說家，好厲害

已經出左四本書

2017年第一本作品＜Pink and Gray＞出左中文翻譯版，好開心！

平時唔睇書o既我用左9個鐘一口氣睇晒，好睇！

呢本書仲拍成電影＜紅的告別式＞，不過內容同小說有出入，個人認為睇書好過睇電影。

希望其餘幾本小說快D出翻譯版啦！中文我都要用9個鐘，日文的話可能要用9個月，哈哈∼

祝加藤老師三十歲工作順利，繼續出書！

NEWS亦要平安渡過明年15周年！繼續聽到Shige o既歌聲！希望明年可以去日本會一會Shige