前晚食晚飯相機冇電，尋晚叉足電先落去，點知相機入面冇SD卡，又要用手機影！

　洋蔥雞排，令我諗起愛民村間天馬tim！

　煎蛋，上面有d菜，好奇怪，哈哈∼

睡眠質素偏差！！訓到7點幾同9點幾就自然醒一醒，10點幾Joan send mail黎，覆完又繼續訓。

11:00AM阿水打黎又被嘈醒，唉。。算啦，唔訓覺起身啦！難得星期日想一覺訓到12點都唔得，哈∼

"送"同尋日一樣，不過改左煮通粉同白汁，正^o^

唔明點解用房個固網電話講電話都可以斷線，真係講到發火，破壞晒我個形象，我明明係斯斯文文，小鳥依人果類嫁ma!

 　3點幾夠鐘食下午茶，唔食零食改食乳酪，係咪好健康呢？！

　真係有草莓肉嫁，好好味^^

食飽係時候做下運動！要執書，洗衫，吸塵。。。

訓覺同食早餐大家會揀邊樣？今日係假期wor，我緊係揀訓覺，哈哈∼所以今日冇早餐相！

　豬肉片290 YEN得八片，好貴，但太想食，冇計！

呢排食得太多熱氣野，結果額頭真係爆左兩粒瘡@@"　即時聽大家話買多d生果食，嘻 ^O^

　蜜瓜粒半價後149 YEN，好味好味

　提子貴野黎嫁！298 YEN

終於捨得執強強俾我d書，執執下發現呢幾本書，好想打人呀！！！

　漢字練習薄，並唔係因為我識寫漢字所以嬲。

而係呢幾本野係我讀緊o既專門學校o既教材，即係我手頭上都有，你俾我仲乜呀？？？？！！！！

係咪覺得d書唔夠重所以俾多幾本我？！？！　強強癲嫁！！！　哈哈∼繼續執書......

YEAH∼∼星期五啦，聽日可以訓晏d，可以悠閒地執下野溫下書。

　仲以為係太陽蛋，點知原來係熟o既，好失望！

午餐去便利店買野食時見到本雜誌封面，差d流鼻血，太性感啦。。。生田斗真好靚仔喔 ^O^

　電話wallpaper轉左做斗真~

　太大雨所以冇行去好遠食，只係附近便利店買意粉食∼

我地1F班明明得18個學生，但lunch o既時候竟然有廿幾人响課室，個個都走黎食飯，好熱鬧呀！

下午大西老師代奧村老師課，佢講足50分鐘冇停過，個個Ｏ晒咀，完全聽唔明佢講乜，不過唔緊要，

夜晚我已經叫Kaku老師講解左俾我聽，哈哈！今日天氣又凍又落雨，所以放學後個個都即時返宿舍。

　相機冇電所以用電話影，分開黎影d野食好似好味d，嘻嘻。

食完飯幾個女仔一齊去超市入貨，唔覺唔覺又買左 1,077 YEN，聽日同後日要煮野食呀，期待