本來諗好午餐煮咩，不過我訓晏左，所以只能夠事但煮幾隻餃子食，哈哈 ^^"

　煮野食完全冇難度(因為煮的都超簡單)

　平時坐開特快列車，第一次坐普通列車

本來我o既目的地係難波，但由於我仲未有手提電話又唔識路，所以唯有跟住Kaku返學校交野先再去難波。

因為唔出閘唔洗俾錢，所以坐响月台等Kaku回來，足足等左50分鐘，等到瞌晒眼訓

1點幾王寺站入閘，3點幾先响難波站出閘，用左兩小時，唔知日本遲出閘洗唔洗罰錢嫁呢！

之前買用黎睇電視的東西，我部電腦用唔到，拎出去俾人整，結果整唔到，退返7180YEN俾我..

諗住去出電話，點知又出唔到，今日好黑仔呀！冇電視又冇電話，好彩仲有電腦，點知。。。。

返到宿舍開電腦入唔到windows，嚇到即刻打電話求救，雖然最後入到，但唔知部腦有冇事呢＞＜

　晚餐又係食魚= =" 右手邊果碟超唔掂，"杰"過新丁d鼻涕

過晒12點先打日記tim，不過我有原因嫁！睇落去就知∼

4月2日考分班試，好彩冇浪費時間去溫書，因為一定唔會識做，難到抽筋＞＜

份卷有成20頁，唔止填充，仲有作句，最過份係有閱讀理解，都幾長篇嫁，

如果我睇得明就唔洗黎讀語言學校啦！除左筆試仲要考口試，明少少咁啦

其實考得差唔緊要，佢最好派我去由最低級學起果班，等我打好d基礎！

　坐JR特快車，只停一個站，四個字返到王寺車站

車站附近的大型百貨公司及超級市場，超乾淨整齊。可以响入面行好耐都唔出黎，哈哈∼

　王寺車站，到而家我都仲係好驚落錯月台搭錯車！！

　午餐同尋日o既差唔多，又係菜同蛋，不過煮唔同款o既麵

呢隻麵好似童星點心麵咁o既味，所以完全唔洗落調味都已經好夠味。考完試特別肚餓，好快清晒。

下午係家務時間，洗左一機衫，吸左塵。餘下時間都用黎攪部電腦，整黎整去都仲係睇唔到電視，激死！

MSN同Joan講野，但越講越唔對路，點解佢會話我"下課了"？原來，佢將我同Kaku個MSN掉亂左，哈哈∼

我個頭像係加藤成亮，佢以為果個係Kaku..天呀差d暈低..@@"  好明顯一d都唔似樣。

　今天晚餐一般，不過看電視就看飽啦，Music Station 3小時SP，有NEWS呀

同枱的日本女生Nakamura 都喜歡J家，所以我地o既話題都係講明星~ Nakamura仲邀請我去佢房睇電視，

不過啱啱先開始傾計，去人地間房好似唔係幾好，所以冇去到，但係我又好想睇NEWS wor..所以我冒住生命危險

拎部電腦落4樓俾Kaku整，結果試過晒所有辦法都唔得，拎返部腦已經過左12點，冇得睇NEWS，又遲左打日記。

為左星期一個賞花團，被強強同Kaku轟炸，同一時間左右兩邊耳仔聽唔同電話，仲要玩埋MSN，好忙呀我

10點幾同Joan（原來之前一直串錯名，SORRY）去超級市場同雜貨店買野，又有收穫呀 ^^

lunch同朋友在我房一齊煮野食，雖然煮o既野好簡單，不過過程好開心呢

　媽媽不在身邊，唯有靠朋友照顧我了，嘻∼

Kaku教我地唔洗買支裝o既洗頭水，可以買補充裝，再去百元店(貨品100YEN)買個樽會平Ｄ，結果。。。

　原本支裝洗頭＋護髮＋沖涼：約800YEN X 3 ＝ 2400YEN

而家：497YEN X 3 ＝ 1491YEN ／ 兩個超可愛o既樽：105YEN X 2 ＝ 210 YEN　總共：1701YEN <<真係慳到錢呀!!

 　全部都係百元店買o既，計埋稅每樣野都係105YEN（約HKD$ 8.7）

今日去左三次雜貨舖，阿姨見到我時都同我講 "お帰り" （你回來啦），我就答"ただいま"（我回來了）哈哈∼

　晚餐食咖哩，實在太好味啦，菜同甜品都唔錯，食得好飽 ^3^

　Joan請我吃台灣杯麵，睇黎我d牛肉乾豬肉乾要出動啦..

而且佢知道我未買到body lotion，專登俾支潤膚露我用！Susie又請我食鳳梨酥，台灣的女生太好人啦