話咁快＜ABC座2019＞今日完美落幕了！一個月間33場公演，辛苦晒所有台前幕後工作人員。
終於有幸睇到＜ABC座＞，演出超級精彩！！A.B.C-Z o既雜技表演令我大開眼界∼
故事同2017 DVD差不多，只係節奏加快左，多左好多小Jr.出場，依舊有女僕MADE
第二部份變成唱歌跳舞，全事務所所有組合o既歌都有唱到∼
特別要講第28首！！只有Jr.們唱，然後背面大銀幕播住8月8日Jr.演唱會o既片段。
MADE企向台中間唱歌，後面播住佢地唱＜wonder＞時o既影片，仲要每個人都有close up大頭∼
每次睇到呢一幕都感動到眼濕濕
希望今年＜ABC座＞會出碟，好想重溫呢個咁美好o既畫面！！
15號出第一彈舞台相，剛好可以親自買到！不過我偏心地只買左稲葉光同冨岡健翔
 最喜歡上排右邊，下排右邊笑容都唔錯∼
胖胖的女僕
大河下排左拍得唔錯吧！福士全部同一個表情？！
第二彈廿幾號先出，向微博搵到有人代購，超好人我都未過錢俾佢已經幫我買左！下個月就收到∼
紅外套！超帥！
個人認為第二彈相好普通，特別福士依然係得一個表情∼
最後自我介紹！健翔＞＞福士＞＞稲葉＞＞大河
健翔：側手翻接後手翻接後手翻，14號晚場落地超近台邊，勁驚佢跌落去∼
福士：踢腿，唔知點解成日覺得佢講自己個名時走音
稲葉：邊行邊拍手煽動觀眾，轉一個圈，右手俾個「五」放面側邊，超可愛！！
大河：普通講名，然後講「MADE」，鞠躬後做左個女僕式扯圍裙彎腳謝禮
記錄下其他Jr.∼眼睛不夠用，只對幾個有特別印象！
右邊高台石垣大祐彈琴；左邊高台小川優彈結他，有電結有木結，幾型！
有幕Jr.拎住A.B.C-Z人名牌，左右左右踏步，椿泰我同唔知邊個向舞台最左邊大幅度跳躍，勁攪笑∼
只有A.B.C-Z時基本上只睇五関晃一同河合郁人！！五関大人跳舞超好睇∼
雖然黃牛坐到最右邊位置，但五関大人，河合，大河，福士都有向右邊側門入黎，能夠用肉眼睇清楚，值回票價！
|
